रयत शिक्षण संस्थेचे संस्थापक व थोर शिक्षण महर्षी पदमविभूषण डॉ. कर्मवीर भाऊराव पाटील यांच्या १२७ व्या जयंतीनिमित रयत शिक्षण संस्थेच्यावतीने स्वारगेट जवळील होल्गा चौकात त्यांच्या अर्धपुतळ्यास पुण्याचे महापौर दत्तात्रय धनकवडे यांच्या हस्ते पुष्पहार अर्पण करून अभिवादन करण्यात आले . यावेळी रयत शिक्षण संस्थेचे पश्चिम विभागाचे अध्यक्ष राम कांडगे , विभागीय अधिकारी चंद्रकांत जाधव ,माजी सचिव डॉ. अरविंद बुरुंगले , संस्थेचे आजीव सदस्य किसन रत्नपारखी , अशोक जगदाळे ,प्रा. संभाजी शिंदे , पांडुरंग गाडेकर , डॉ. कर्मवीर भाऊराव पाटील पथारी संघटनेचे मनोहर परदेशी , माजी सहसचिव गोपाळ विद्यासागर , साधना मुलींची शाळा मुख्याध्यापिका विद्या पवार , साधना प्राथमिक शाळेचे मुख्याध्यापक संजय दवडे , के. के . घुले महाविद्यालयाचे मुख्याध्यापक बाळासाहेब गायकवाड , रयत सेवक को ऑप बँकेचे संचालक संजय बांदल , वाघिरे महाविद्यालयाचे उपप्राचार्य दिलीप बनकर , महात्मा फुले महाविद्यालयाचे प्राध्यापक डॉ. बाबासाहेब शेंडगे , आंबेडकर महाविद्यालयाचे प्राचार्या मंजुश्री बोबडे , आजीव सेवक पंडितराव जगताप , साधना मुलांची शाळा पर्यवेषक विजय शितोळे , आदी मान्यवर उपस्थित होते .
यावेळी पुण्याचे महापौर दत्तात्रय धनकवडे यांनी आपले विचार माद्ताना सांगितले कि , दुर्बल घटकातील विद्यार्थ्यांना शिक्षण मिळण्यासाठी कर्मवीरांनी रयत शिक्षण संस्था सुरु केली . आशिया खंडातील सर्वात मोठी शिक्षण संस्था गणना होत आहे . शरद पवार यांच्या नेतृत्वाखाली संस्थेची वाटचाल चालू आहे . नव्या युगाची आधुनिक माहिती तंत्रज्ञाची कास संस्थेने धरलेली आहे , हि महत्वपूर्ण बाब आहे .
या कार्यक्रमाचे प्रास्तविक रयत शिक्षण संस्थेचे माजी सचिव डॉ. अरविंद बुरुंगले तर मान्यवर पाहुण्याचे स्वागत अड . राम कांडगे , तर आभार विभागीय अधिकारी चंद्रकांत जाधव यांनी मानले . यावेळेस संस्थेच्या विविध शाळांमधील विद्यार्थ्यांनी पुष्पमाला वाहून अभिवादन केले .
