पुणे:
‘अग्रसेन समाज मार्केटयार्ड’च्या वतीने आयोजित 27 व्या ‘अगरवाल परिवार परिचय संमेलन’ला चांगला प्रतिसाद मिळाला. हे संमेलन रविवार, दिनांक 10 मे रोजी ‘एस. एस. अगरवाल इंग्लिश मीडियम स्कूल’ (दत्तवाडी), पुणे येथे पार पडले. संमेलनाच्या अध्यक्षस्थानी आर.एल.अगरवाल होते. अगरवाल समाजातील उपवर युवक युवतींना विवाह विषयक चर्चेसाठी तसेच कुटुंबियांच्या भेटीसाठी संधी मिळावी म्हणून ‘अगरवाल परिवार परिचय संमेलनाचे’ विनामूल्य आयोजन करण्यात येते.
अध्यक्षस्थानावरून बोलताना आर.एल.अगरवाल म्हणाले, ‘अगरवाल परिवार परिचय संमेलनाच्या कार्याची व्याप्ती वाढविण्यासाठी येत्या दोन महिन्यामध्ये ‘अग्रसेन समाज महिला मंडळा’ची स्थापना करण्यात येणार आहे. अगरवाल समाजातील लग्नांचा खर्च कमी व्हावा यासाठीही आम्ही प्रबोधन करीत आहोत. जास्तीत जास्त अगरवाल समाजातील कुटुंबांनी दर रविवारी या परिवार परिचय संमेलनात सहभागी व्हावे, या हेतूने या संमेलनाचे आयोजन करण्यात येते. परिचय संमेलनामध्ये आलेल्या परिवारांची ओळख होणे त्यांच्यात नाते निर्माण होणे या संमेलनामुळे शक्य झाले आहे’
यावेळी आर. एल. अगरवाल, शामलाल जिंदल, अनिल गोयल, दिनेश अगरवाल, एम. आर. अगरवाल आदी उपस्थित होते.
आत्तापर्यंत या संमेलनाद्वारे आजपर्यंत 84 विवाह जमले असून, संमेलनास राज्यभरातून प्रतिसाद मिळत आहे. विनामुल्य नावनोंदणीसाठी 9561220000 या क्रमांकावर संपर्क साधण्याचे आवाहन साधण्याचे आवाहन करण्यात आले आहे.
