मुंबई – प्रभादेवी येथील पु.ल. देशपांडे महाराष्ट्र कला अकादमीच्या “स्वरालय” दालनात लोककलेच्या संबंधित विविध ध्वनिफिती आणि चित्रफित साहित्याचे जतन करण्यात आले आहे.परंतु हे सर्व साहित्य आता गोडाऊनमध्ये टाकण्याचा सांस्कृतिक कार्य विभागाच्या प्रशासनाचा निर्णय झाल्याचे विश्वसनीय सूत्रांकडून कळते.
साधारणपणे १९५० सालापासूनचे सांस्कृतिक कार्य विभागाने विविध लोक कला महोत्सव, चित्रपट महोत्सव, नाट्य महोत्सव या अशा अनेक कार्यक्रमाचे ध्वनिफिती (ऑडिओ) आणि चित्रफित (व्हिडीओ) याचे कला अकादमीच्या दुसऱ्या मजल्यावरील “स्वरालय” दालनात जतन केले आहे.विशेष म्हणजे काही दिवसापूर्वी ज्या लोककलेचे विद्यापीठामार्फत सर्व्हेक्षण करण्यात आले.त्यांच्या चित्रफित आणि ध्वनिफिती सुध्दा या दालनात ठेवण्यात आलेले आहे. परंतु सांस्कृतिक कार्य खात्याच्या प्रशासनाला या सर्व लोककला साहित्याची आता चागलीच अडचण होवू लागली आहे.त्यामुळे आता हे सर्व साहित्य गोडाऊनमध्ये टाकण्याचा विचार संबंधीत अधिकारी घेणार असल्याचे कळते.
खरं तर यापूर्वी राज्याचे सांस्कृतिक कार्य मंत्री अमित देशमुख यांनी लोककलेचे जतन करण्यासाठी सांस्कृतिक कार्य खातं योग्य पाऊल उचलत आहे.असे म्हणाले होते.मात्र अद्याप लोककला सर्व्हेक्षण बाबत मंत्र्यांनी एकही बैठक घेतलेली नाही.त्यामुळे निधी अभावी आता लोककला सर्व्हेक्षणला अडथळे निर्माण होत असल्याचे समजते.