पुणे – पती एका पक्षात तर पत्नी दुसर्या. ते घरात गुण्यागोविंदाने आणि लोकांसमोर कट्टर विरोधक असलेले हे दांपत्य आपआपल्या पक्षांचा प्रचार करत आहेत. मात्र त्यांच्या या पॉलिटिकल ड्राम्यामुळे एकूणच राजकारणात सर्व पक्षियांची आतल्या दालनात ‘आम्ही सारे भाऊ भाऊ: भूमिका ठेवून मतदारांना कसे बनविले जाते याचे उदाहरण च या दांपत्याने समोर ठेवले आहे. आता एवढे सारे दिसून पाहुन समजून मतदार च :हमने कुछ देखा नही , कुछ सुना नही ‘ची भूमिका ठेवणार असतील तर ..काय करणार कोण?
पुण्यातील वडगाव शेरी विधानसभा मतदारसंघात राष्ट्रवादीच्या नगरसेविकेच्या पतीने भाजप प्रवेश करून भाजप उमेदवाराचा प्रचार सुरू केला. तर नगरसेविकेनेही राष्ट्रवादीच्या उमेदवाराच्या प्रचारात सक्रिय सहभाग घेतला आहे. मात्र त्यांनी हे राजकारण आपल्या घरात आणलेले नाही. त्यामुळे दिवसभर एकमेकांना जाहीरपणे शिव्या देणारे हे जोडपे राजकारण घराबाहेर ठेऊन गुण्यागोविंदाने जगत आहेत. आहे की नाही मजा, दुनिया झुकती है, झुकानेवाला चाहिये… याच धोरणाने सर्व राजकीय पक्षांच्या खेळी चालू असतात असे दावे अनेकदा होतात त्याची खुले आम कबूली या प्रकाराने दर्शविली आहे.