भाऊ-बहिणीचं नातं दृढ करणारा सण म्हणजे रक्षाबंधन. या सणाच्या माध्यमातून भाऊ बहिण यांच्यातील प्रेम व्यक्त केले जाते. ग्लॅमरस दुनियेत वावरणारे कलाकार ही वेळात वेळ काढून या सणाचा आनंद घेत तो साजरा करतात.
मराठी चित्रपटसृष्टीतील अभिनेत्री प्रितम कागणे हिच्यासाठी ही या वेळेचं रक्षाबंधन खूप खास ठरलं आहे. भाऊ अमोल कागणे यांनी आपल्या बहिणीसाठी खास हलाल या चित्रपटाची निर्मिती केली असून येत्या २९ सप्टेंबरला हा चित्रपट प्रदर्शित होणार आहे. आपल्या भावाकडून मिळालेली ही भेट माझ्यासाठी खास असून आम्ही जपलेला हा कलेचा धागा तुटू देणार नाही असं वचन घेत यंदाच्या रक्षाबंधनाचा आनंद हे दोघे घेणार आहेत. खरं तर कुटुंबीय व भावांमुळेच मी आज इथंवर पोहचली असल्याने हा सण माझ्यासाठी खूपच स्पेशल असल्याचं प्रितम सांगते.
