पुणे : पालकमंत्री चंद्रकांत पाटील यांची कोथरूड विधानसभा मतदारसंघात ‘ विशेष काळजी’ घेण्यासाठी मुख्यमंत्री देवेंद्र फडणवीस यांनी आता खासदार गिरीश बापट यांच्याकडे जबाबदारी दिली आहे.
पालकमंत्री पाटील यांच्या उमेदवारीला पक्षान्तर्गत पातळी वरुन छुप्या पद्धतीने फलकबाजी करत कोथरूडमध्ये झालेला विरोध आता कमी झाला आहे, असे दिसत आहे. तरीही रिस्क नको म्हणून भाजपने आता खासदार बापट यांच्यावर विशेष जबाबदारी सोपविली आहे.
या बाबतचे पत्र प्रदेश कार्यालय सचिव मुकुंद कुलकर्णी यांनी शनिवारी बापट यांना दिले. त्यामुळे पाटील यांच्या विजयाबरोबरच मताधिक्य पण चांगले असेल, यावर बापटाना विशेष लक्ष द्यावे लागणार आहे.
कोथरूड विधानसभा मतदार संघाच्या विद्यमान आमदार मेधा कुलकर्णी आणि स्थानिक इछुकांच्या ऐवजी चंद्रकांतदादा पाटील यांना उमेदवारी दिल्याने प्रचंड विरोध केला जात होता.