पुणे : स्टैम्प पेपर वर लिहून देवू काय, माघार घेणार नाही म्हणणाऱ्या सेनेच्या रमेश कोंडे सह 5 विधानसभा मतदारसंघातील प्रमुख बंडखोरांनी सोमवारी माघार घेतली. त्यामुळे पुण्यात भाजप- शिवसेना युती विरुद्ध काँग्रेस- राष्ट्रवादी काँग्रेसची आघाडी, अशी सरळ लढत होणार आहे.
पर्वती विधानसभा मतदारसंघातून काँग्रेसचे ज्येष्ठ नगरसेवक आबा बागुल, कॅन्टोन्मेंट मतदारसंघातून शिवसेनेच्या नगरसेविका पल्लवी जावळे, भाजपच्या अनुसूचित जाती जमाती सेलचे शहराध्यक्ष डॉ. भरत वैरागे, काँग्रेसचे शहर उपाध्यक्ष सदानंद शेट्टी, खडकवासला मतदारसंघातून शिवसेनेचे जिल्हाप्रमुख रमेश कोंडे, कसबा मतदारसंघातून माजी महापौर आणि काँग्रेसच्या ज्येष्ठ कार्यकर्त्या कमल व्यवहारे, वडगाव शेरी मतदारसंघातून नगरसेवक संजय भोसले यांनी रिंगणातून माघार घेतली आहे.
बंडखोरी करणारे अनेक जण नगरसेवक होते, तसेच निवडणूक जिंकण्याचाचा त्यांनी निर्धार केला होता. परंतु, भारतीय जनता पक्ष आणि शिवसेनेच्या शहर पातळीवरील नेत्यांनी यामध्ये हस्तक्षेप केला आणि या बंडखोरांची समजूत घातली, त्यानंतर त्यांनी अर्ज मागे घेण्यात आले आहेत.
काँग्रेसच्या सर्व बंडखोरांना थंड करण्यात पक्षाला यश आले आहे. त्यामुळे काँग्रेसमध्ये एकही प्रमुख बंडखोर आता रिंगणात उरला नाही. कॉंग्रेसचे उमेदवार असणाऱ्या तीनही मतदारसंघात भाजपशी थेट लढत होईल. तसेच, भोर विधानसभा मतदारसंघात भाजपचे किरण दगडे यांनाही माघार घेतली आहे.
कसबा मतदारसंघात भाजपकडून मुक्ता टिळक विरोधात काँग्रेसचे अरविंद शिंदे निवडणूक लढवणार.शिवसेनेचे विशाल धनवडे यांची बंडखोरी कायम ..
– शिवाजीनगर मतदारसंघात भाजपकडून माजी खासदार अनिल शिरोळे यांचे पुत्र सिद्धार्थ शिरोळे याच्या विरोधात काँग्रेसकडून दत्ता बहिरट निवडणूक लढवत आहेत…
– कोथरुडमध्ये यावेळी रंगत निर्माण होईल असे वाटत असताना अनेक उमेदवारांनी घेतली माघार.येथे चंद्रकांतदादा पाटील यांच्या विरोधात मनसेच्या किशोर शिंदे यांच्यात लढत असेल
– खडकवासला मतदारसंघात भाजपकडून भीमराव तापकीर याच्या विरोधात राष्ट्रवादी काँग्रेसकडून सचिन दोडके निवडणूक रिंगणात आहेत.
– हडपसर मतदारसंघात यावेळी तिरंगी लढत होते.भाजपकडून योगेश टिळेकर तर राष्ट्रवादीकडून चेतन तुपे यांच्यात लढत तर मनसेकडून वसंत मोरे निवडणूक लढत आहेत.
– कॅन्टोमेन्ट विधानसभा मतदारसंघात काँग्रेस रमेश बागवे यांच्या विरोधात भाजपकडून सुनील कांबळे तर इकडून यांच्यात थेट लढत
– पर्वती मतदारसंघात काँग्रेस बंडखोर आबा बागुल यांनी माघार घेतल्याने भाजपच्या माधुरी मिसाळ व राष्ट्रवादीच्या अश्विनी कदम यांच्यात सरळ लढत होते.
– वडगावशेरी मतदारसंघात भाजप व राष्ट्रवादी यांच्यात सरळ लढत होते.भाजपकडून जगदीश मुळीक तर राष्ट्रवादीकडून सुनील टिंगरे निवडणूक लढवत आहेत.
- पुणे ग्रामीण विधानसभा चित्र स्पष्ट
– इंदापूरमध्ये यावेळी काँग्रेसमधून भाजपमध्ये गेलेले हर्षवर्धन पाटील यांची लढत दत्ता मामा भरणे यांच्यात दुरंगी लढत होणार.
– बारामतीत राष्ट्रवादीचे अजित पवार यांच्या विरोधात भाजपकडून गोपीचंद पडळकर निवडणूक लढवत आहेत.
– दौंडमध्ये भाजपकडून राहुल कुल निवडणूक लढवत आहेत तर त्याच्या विरोधात राष्ट्रवादीकडून रमेश थोरात निवडणूक रिंगणात आहेत.
– यावेळी पुरंदरमध्ये लक्षवेधी लढत होणार आहे.लोकसभा निवडणूक वेळी अजित पवार यांनी विजय शिवतारे यांना कसे निवडून येतो अशी धमकी दिली.त्यामुळे शिवसेनेकडून विजय शिवतारे विरोधात काँग्रेसकडून संजय जगताप निवडणूक लढवत आहेत.
– भोर वेल्हा मुळशी मतदारसंघात काँग्रेसकडून संग्राम थोपटे यांच्या विरोधात शिवसेनेकडून कुलदीप कोंडे निवडणूक रिंगणात आहेत.
– मावळ मतदारसंघात यावेळी चुरशीची लढत आहे.ऐनवेळी राष्ट्रवादीत प्रवेश केलेल्या सुनील शेळके यांची लढत भाजप राज्यमंत्री संजय उर्फ बाळा भेगडे यांच्यात लढत होणार आहे.
– खेड आळंदी राष्ट्रवादीकडून दिलीप मोहिते याच्या विरोधात शिवसेनेकडून सुरेश गोरे निवडणूक लढवत आहेत.
– जुन्नर मतदारसंघात राष्ट्रवादीकडून अतुल बेनके निवडणूक लढवत आहेत.तर त्याच्या विरोधात शिवसेनेकडून शरद सोनवणे उभे आहेत.
– शिरूर हवेली मतदारसंघात भाजपचे आमदार बाबुराव पाचर्णे यांच्या विरोधात राष्ट्रवादीकडून अशोक पवार निवडणूक लढवत आहेत.इथल्या राष्ट्रवादीच्या माजी जिल्हा परिषद सदस्य प्रदीप कंद यांनी भाजपला पाठींबा दिल्याने रंगत निर्माण झालीय.
– आंबेगाव मतदारसंघात राष्ट्रवादीचे नेते दिलीप वळसे पाटील यांच्या विरोधात शिवसेनेचे राजाराम बाणखेले निवडणूक रिंगणात आहेत.आहेत.