नवी दिल्ली-नॅशनल हेराल्ड प्रकरणात राहुल गांधी यांची आज ईडीच्या अधिकाऱ्याने चौकशी सुरु ठेवली आहे.दुसऱ्या दिवशी देखील राहुल गांधी कारने तपास संस्थेच्या कार्यालयात पोहोचले. त्यांच्यासोबत प्रियांका गांधीही होत्या. राहुल गांधी यांना सोडल्यानंतर प्रियांका गांधी तिथून निघून गेल्या. दोन दिवसांपासून काँग्रेस कार्यालयाबाहेर गोंधळ सुरू असून, त्यापार्श्वभूमीवर त्या भागात कलम 144 लागू करण्यात आले आहे.
राहुलसोबत पायी चालत निघालेले काँग्रेस नेते रणदीप सिंग सुरजेवाला यांना पोलिसांनी खेचून व्हॅनमध्ये नेले. मोर्चात सहभागी असलेल्या अन्य नेत्यांनाही पोलिसांनी ताब्यात घेतले आहे. आंदोलनादरम्यान त्यांना दुखापत झाल्याचा आरोप सुरजेवाला यांनी केला आहे. पी चिदंबरम यांनाही बरगडीला दुखापत झाली आहे.छत्तीसगडचे मुख्यमंत्री भूपेश बघेल यांची काँग्रेस कार्यालयाजवळील बॅरिकेडवर थांबल्यानंतर दिल्ली पोलिसांशी झटापट झाली. ते पोलिसांना म्हणाले- तुम्ही मुख्यमंत्र्यांना रोखू शकत नाही. मात्र, पोलिसांनी त्यांना जाऊ दिले नाही.
ईडी राहुल गांधींची त्यांच्या संपत्तीविषयी चौकशी करत आहे. 2019 च्या निवडणुकीपूर्वी राहुल यांनी दाखल केलेल्या प्रतिज्ञापत्रात त्यांच्याकडे 15 कोटी 88 लाख रुपयांची संपत्ती व 72 लाख रुपयांचे कर्ज असल्याचे स्पष्ट केले होते. त्यांच्या प्रतिज्ञापत्रानुसार, राहुल यांच्या संपत्तीची माहिती पुढीलप्रमाणे
राहुल यांच्याकडे 15 कोटींहून अधिकची संपत्ती
- 2019 च्या प्रतिज्ञापत्रानुसार, राहुल यांच्याकडे 15 कोटी 88 लाख रुपयांपेक्षा जास्त संपत्ती आहे. 2014 मध्ये त्यांची संपत्ती 9.4 कोटी होती.
- राहुल यांच्यावर 72 लाखांचे कर्ज असून त्यांच्याकडे स्वतःची कारही नाही.
- राहुल यांच्याकडे 5 कोटी 80 लाख 58 हजार 799 रुपयांची जंगम व 10 कोटी 8 लाख 18 हजार 284 रुपयांची स्थावर मालमत्ता आहे.
- त्यांच्याकडे 40 हजारांची रोकड आहे. तसेच विविध बँकांत 17 लाख 93 हजार रुपये जमा आहेत.
- त्यांनी रोखे, शेअर्स, म्युच्युअल फंडात 5 कोटी 19 लाख रुपयांची गुंतवणूक केली आहे.
सुलतानपूरमध्ये वारसाहक्काने मिळालेल्या शेतीत वाटा
- राहुल यांचा दिल्लीतील सुलतानपूर गावात वारसाहक्काने मिळालेल्या शेतीत वाटा आहे.
- त्यांच्याकडे 333.3 ग्रॅम सोने आहे.
- 2017-18 मध्ये त्यांचे एकूण उत्पन्न 1 कोटी 11 लाख 85 हजार 570 होते.
राहुल यांच्या उत्पन्नाचा सोर्स कोणता?
- खासदार म्हणून मिळणारे वेतन
- रॉयल्टी उत्पन्न
- रेंटल उत्पन्न
- बॉन्ड्सद्वारे मिळणारे व्याज
- म्युच्युअल फंडातून मिळणारा लाभांश आणि भांडवली नफा
ED ने विचारले -50 लाखांच्या शेअर्ससाठी पैसे कसे उभे केले?
- तुमची मालमत्ता कुठे आहे? परदेशात काही मालमत्ता आहे का? जर होय, कुठे आणि किती?
- एजेएलमध्ये तुमची भूमिका काय होती, तुम्ही यंग इंडियात कसे सहभागी झालात?
- यंग इंडियाचे संचालक कसे झालात? कंपनी कधी-केवढ्यात स्थापन केली?
- यंग इंडियाला एजेएलचा ताबा घेता येईल का?
- AJL चे दायित्व काढून टाकण्यासाठी कोणाच्या निर्णयावर पैसे दिले गेले?
- तुम्ही AJL मध्ये 50 लाख रुपये किमतीच्या शेअर्सचे पैसे कसे दिले?
- तुमचा वाटा किती होता? तुम्ही शेअर्स कसे आणि केवढ्यात विकत घेतले? यासाठी पैसे कुठून आणला?
- AJL चे 90.9 कोटी रुपयांची देणदारी माफ का करण्यात आली?
- शेअर्स स्वत:च्या नावाने घेतले. पण, नॅशनल हेराल्डला काँग्रेसने 90.9 कोटी रुपये दिले?
- टेकओव्हरसाठी जुन्या भागधारकांच्या बैठकीचे कार्यवृत्त? बैठक बोलावली नाही तर कारण काय?
- बुडणारे जहाज असतानाही काँग्रेस पक्षाने एजेएलला कर्ज का दिले?
- नॅशनल हेराल्डचे पुनरुज्जीवन करण्यामागचा हेतू काय होता?