हैद्राबाद: हैदराबादमधील रंगारेड्डी येथे एका जाहीर सभेला संबोधित करताना राहुल गांधी म्हणाले- बीआरएस सरकार 100 दिवसांच्या आत येथून पायउतार होणार. त्यांना आता लोकच घरचा मार्ग दाखवतील. त्याला आता कोणीच थांबवू शकत नाही. बीजेपीला वाटू द्या किंवा एआयएमआयएमला वाटू द्या, पण आता तेलंगणात बदल होणार एवढं मात्र नक्की आहे. त्यात आता कोणीही बदल करू शकणार नाही.
BJP, BRS आणि AIMIM वेगळे नसून एकच पक्ष
राजकारणात आपण कोणाशी लढतोय हे कळणे खूप महत्त्वाचे असते. तेलंगणात काँग्रेस पक्ष केवळ बीआरएसशीच लढत नाही, तर आम्ही बीआरएस, भाजप, एमआयएमआयएम यांच्याशी लढत आहोत. हे पक्ष स्वतःला वेगळे म्हणवत असले तरी प्रत्यक्षात ते एकच आहेत. जेव्हा-जेव्हा भाजपला गरज होती, तेव्हा BRS ने पाठिंबा दिला आहे. मग तो शेतकऱ्यांच्या बिलाचा मुद्दा असो वा जीएसटी.
आम्ही तेलंगणाला राज्याचा दर्जा दिला
सोनिया गांधी जे बोलतात ते पूर्ण करतात. 2004 मध्ये सोनिया गांधी म्हणाल्या होत्या की आम्ही तेलंगणाचा विचार करू आणि त्यांनी जे सांगितले तेच केले. तुमचे स्वप्न, तेलंगणा राज्याचे स्वप्न सोनियाजींनी पूर्ण केले. बीआरएसला आपण भाजप संबंध समिती म्हणतो. मुख्यमंत्र्यांच्या कुटुंबाला याचा पुरेपूर फायदा होतो. आम्ही केसीआरच्या कुटुंबाच्या फायद्यासाठी तेलंगणाला राज्याचा दर्जा दिला नाही, तर गरीब आणि मजुरांसाठी दिला.आपल्या भाषणात सोनिया गांधी यांनी सरकार स्थापन झाल्यास राज्यातील जनतेला हीच हमी पूर्ण करण्याचे आश्वासन दिले. याशिवाय राजस्थानचे मुख्यमंत्री अशोक गेहलोत, काँग्रेस अध्यक्ष मल्लिकार्जुन खरगे यांनीही जाहीर सभेला संबोधित केले. अशोक गेहलोत म्हणाले की, काँग्रेस सरकारनेच तेलंगणाला वेगळ्या राज्याचा दर्जा दिला. त्याचवेळी मल्लिकार्जुन खरगे यांनी पंतप्रधान मोदींवर जोरदार हल्ला चढवला. ते म्हणाले की, पंतप्रधान मोदी आणि राज्याचे मुख्यमंत्री मते मिळविण्यासाठी खोटे बोलतात. निवडणुकीपूर्वी पंतप्रधान मोदींनी प्रत्येकाच्या खात्यात 15 लाख रुपये देण्याचे आश्वासन दिले होते, तुमच्या खात्यात पैसे आले का?
