मुंबई, दि. ३० डिसेंबर – नसीरुद्दीन शाहसारख्या अभिनेत्याने जातीय विद्वेष निर्माण करण्याचे काम करू नये. हिंदुस्तानात अशा प्रकारे ताकद दाखवण्याचे दुर्दैवी काम कोणी करू नये. जेणेकरून जातीय तेढ निर्माण होईल. त्यामुळे हिंदुत्ववादी विचारांना आव्हान देण्याचा कोणी प्रयत्न केल्यास त्याला जशास ते उत्तर देण्यात येईल असा इशारा विधान परिषदेचे विरोधी पक्षनेते प्रविण दरेकर यांनी आज दिला.
ज्येष्ठ अभिनेते नसीरुद्दीन शाह यांनी एका मुलाखतीत वक्तव्य केले आहे की, मोघलांचे राष्ट्रनिर्मितीतले योगदान विसरले जाते. मोघलांनीच ऐतिहासिक स्मारके निर्माण केली. आम्ही मुस्लिम २० कोटी आहोत. आम्ही २० कोटी लढू. त्यावर प्रसारमाध्यमांशी बोलताना दरेकर यांनी हा इशारा दिला आहे.