पुणे-पार्थ पवारांनी केलेल्या मागणीला कवडीचीही किंमत नाही. असे पार्थ पवारांच्याबाबत त्यांनी वक्तव्य केले आहे. पार्थ पवार यांनी लोकसभेची निवडणूक लढवलेली आहे. मग राष्ट्रवादी काँग्रेस पक्षाने एका अपरिपक्व नेत्याला उमेदवारी दिली का ? असा प्रश्न निर्माण होतो. पार्थ पवार युवा नेते आहेत. त्यांच्या भूमिकेत काही खाली-वर असू शकते. पण त्यांना काडीचीही किंमत नाही असे म्हंटल्याने या युवा नेतृत्वाचे मनोबल त्यामुळे खच्ची होईल, असे मला वाटते,’ अशी प्रतिक्रिया विरोधी पक्षनेते प्रवीण दरेकर यांनी दिली आहे.बॉलिवूड अभिनेता सुशांत सिंग राजपूत याच्या आत्महत्येची चौकशी सीबीआयकडे देण्यात यावी अशी मागणी उपमुख्यमंत्री अजित पवार यांचे चिरंजीव पार्थ पवार यांनी केली होती. त्यानंतर पार्थच्या या मागणीवर आजोबा शरद पवार यांनी चांगलीच कानउघडणी केली. मी माझ्या नातवाच्या मागणीला कवडीची किंमत देत नाही अशा शब्दात पवारांनी प्रतिक्रिया दिली.
मुंबई पोलिसांवर तर पवार साहेबांप्रमाणे सर्वसामान्य जनतेचा, सर्व नेत्यांचा पूर्ण विश्वास आहे. पवार साहेबांनी मुख्यमंत्री म्हणून काम केलेय, केंद्रात मंत्री म्हणून काम केलेय आणि प्रशासकीय यंत्रणांचे कामकाज त्यांना नीट माहिती आहे. त्यामुळे मुंबई पोलीस काय, बिहार पोलीस काय किंवा सीबीआय काय, अंतिमतः या तपास यंत्रणांच्या माध्यमातून सत्य जनतेसमोर येणे आवश्यक असते. खरा गुन्हेगार लपता काम नये, यासाठी या तपास यंत्रणा आहेत. आणि यासाठी त्यांची हरकत नसल्याचं त्यांचे वक्तव्य अगदी योग्य आहे, असे मला वाटते.
तसेच