राज्यासाठी वेगळे लसीकरण अॅप सुरू करण्यास सीएम ने मागितली पीएम कडे परवानगी ..
मुंबई- कोविन अॅॅप मध्ये अनेक त्रुटी असून त्यामुळे युवा लसीकरणास बाधा येत असून आमच्या राज्यापुरते राज्यासाठी नवीन अॅप तयार करण्याची परवानगी मुख्यमंत्री उद्धव ठाकरे यांनी पंतप्रधान नरेंद्र मोडी यांच्याकडे मागितली आहे.
राज्यातील कोरोना रुग्ण संख्या दिवसेंदिवस वाढत असतानाचआता कोरोनावर नियंत्रण मिळवता यावे यासाठी लसीकरण मोहिमेवर लक्ष केंद्रीत केले जात आहे. दरम्यान 1 मेपासून 18 वर्षांच्या वरील सर्व नागरिकांना लसीकरण सुरू करण्यात आले आहे. यासाठी अॅपवर नोंदणी करावी लागत आहे.याविषयी मुख्यमंत्री उद्धव ठाकरे यांनी पंतप्रधान नरेंद्र मोदींकडे महत्त्वाची मागणी केली आहे. उद्धव ठाकरे यांनी पंतप्रधानांना या संदर्भात पत्र लिहिले आहे.
लसीकरण अॅपवर नोंदणीपासून लसीचा पहिला डोस घेईपर्यंत सध्या संपूर्ण देशात गोंधळाचे वातावरण पाहायला मिळत आहे. अनेकदा नोंदणी होत नसल्याच्या तक्रारी नागरिकांकडून केल्या जात आहे. तसेच नोंदणी झाली तर वेळ आणि दिवसाचा स्लॉट मिळण्यातही अनेक अडचणींचा सामना करावा लागतो. कोरोना लसीकरणासाठी तयार करण्यात अॅपमुळे सध्या लसीकरण केंद्रावर गोंधळ निर्माण होत आहे. यासाठी मुख्यमंत्री उद्धव ठाकरे यांनी पंतप्रधान नरेंद्र मोदी यांनी पत्र लिहून राज्यासाठी नवीन अॅप तयार करण्याची परवानगी मागितली आहे. कोविन अॅपमध्ये अनेक त्रुटी असल्याचे त्यांनी या पत्रामध्ये लिहिले आहे.