पुणे-राष्ट्रवादी काँग्रेसचे खासदार उदयनराजे भोसले यांच्या भाजप प्रवेशाच्या चर्चा राजकीय वर्तुळात रंगत होत्या. अखेरीस त्यांचा भाजप प्रवेशाचा मुहूर्त ठरला आहे. येत्या 14 सप्टेंबर रोजी पंतप्रधान नरेंद्र मोदी आणि गृहमंत्री अमित शाह यांच्या उपस्थितीत उदयनराजे भाजपमध्ये प्रवेश घेणार असल्याची माहिती सूत्रांनी दिली आहे
उदयनराजेंनी आज सकाळी राष्ट्रवादी काँग्रेसचे अध्यक्ष शरद पवारांची त्यांच्या निवासस्थानी भेट घेतल्याच चर्चा सुरु होती.पुण्यातील मोदी बागेत उद्ययनराजे यांनी शरद पवार यांची भेट घेतली यावेळी धनंजय मुंडे देखील उपस्थित होते उदयनराजेंच्या भाजप प्रवेशाच्या पार्श्वभूमीवर ही बैठक महत्त्वाची मानली जात होती. या बैठकीनंतर उदयनराजेंचं मनपरिवर्तन होईल आणि ते भाजप प्रवेशाचा निर्णय मागे घेतील अशी अपेक्षा होती. मात्र त्यांची मनधरणी करण्यात राष्ट्रवादीच्या दिग्गज नेत्यांना अपयश आल्याचे पाहायला मिळत आहे. दरम्यान, उदयनराजे 14 सप्टेंबर रोजी दिल्ली येथे पंतप्रधान नरेंद्र मोदी, मुख्यमंत्री देवेंद्र फडणवीस यांच्या उपस्थितीत भाजपात प्रवेश करणार आहेत. प्रवेशाच्या दुसऱ्याच दिवशी म्हणजे 15 सप्टेंबर रोजी साताऱ्यात येत असलेल्या महा जनादेश यात्रेत ते सामील होणार असल्याचंही बोलले जात आहे.