नागपूर – विदर्भातील ७ लोकसभा मतदारसंघांतील प्रचाराच्या तोफा मंगळवारी थंडावल्या. नागपूरसह वर्धा, रामटेक, भंडारा-गोंदिया, चंद्रपूर, गडचिरोली-चिमूर आणि यवतमाळ-वाशीम या सात मतदारसंघात पहिल्या टप्प्यात निवडणूक होत आहे.
दिग्गज नेते : केंद्र सरकारमधील ६ मंत्री व एकूण ४४ खासदार
नितीन गडकरी: नागपूरमधून मैदानात. संघाच्या या बालेकिल्ल्यात २०१४ मध्ये २.५ लाख मतांनी विजयी.
ओवेसी: एआयएमआयएम नेते ओवेसी हे हैदराबादमधून तीन वेळा निवडून अाले. पुन्हा येथूनच रिंगणात.
व्ही. के. सिंह: गाझियाबादेत यांची लढत काँग्रेसच्या डॉली शर्मा व महाअाघाडीचे सुरेश बन्सल यांच्याशी.
अजित सिंह: रालोदचे हे संस्थापक मुझफ्फरनगरमधून उभे. त्यांचा सामना भाजपच्या संजीव बालियान यांच्याशी.
पंतप्रधान नरेंद्र मोदी, राहुल गांधी, अमित शहा, उद्धव ठाकरे, मायावती, शरद पवार, केंद्रीय गृहमंत्री राजनाथसिंह यांच्यासह मुख्यमंत्री देवेंद्र फडणवीस, अशोक चव्हाण या नेत्यांनी विदर्भात अनेक ठिकाणी प्रचाराच्या सभा घेतल्या. नागपुरात केंद्रीय मंत्री नितीन गडकरी यांच्या प्रचारासाठी अमित शहा यांनी पूर्व नागपूर परिसरात सभा घेऊन प्रचाराची समाप्ती केली, तर चंद्रपूरमध्ये राजनाथसिंह यांनी त्यांचे हंसराज अहिरांसाठी सभा घेतली. दरम्यान, प्रचार थंडावताच आता उमेदवारांनी वैयक्तिक भेटी, बैठकांवर भर दिला.