ग्रुप डान्सर, टिव्ही अभिनेता ते बॉलिवूडचा आघाडीचा अभिनेता अशी यशाची शिखरं गाठत कला क्षेत्रात य़शस्वी ठरलेला तरुण अभिनेता सुशातसिंह राजपूत याच्या अचानक निधनामुळे अनेकांना धक्का बसला आहे. या घटनेबाबत प्रतिक्रिया देताना मुख्यमंत्री उद्धव ठाकरे यांनी दुःख व्यक्त करताना हे धक्कादायक असल्याचं म्हटलं आहे.
मुख्यमंत्र्यांनी फेसबुक पोस्टद्वारे आपल्या भावना व्यक्त केल्या आहेत. या पोस्टमधून उद्धव ठाकरे म्हणतात, अभिनेते सुशांत सिंह राजपूत यांच्या अचानक निधनाची बातमी धक्कादायक आणि क्लेशदायक आहे. ईश्वर त्यांच्या कुटुंबियांना, चाहत्यांना आणि जवळच्या व्यक्तींना बळ देवो.