सांगली- सांगलीतील महापुरात ब्रम्हनाळमध्ये बोट उलटून अनेकांना मृत्यू झला. आता पूर ओसरल्यामुळे या पुरात वाहून गेलेल्या महिलांचे दागिने सापडले आहेत. 25 तोळे सोन्याचे दागिने आणि पैसे सापडले गावातील म्हसोबा कॉर्नर परिसरात सापडले.सांगली जिल्ह्यातील महापुरानंतर बचावकार्य करत असताना क्षमतेपेक्षा जास्त लोक बसल्यामुळे ब्रम्हनाळमध्ये बोट उलटून अनेकांचा बुडून मृत्यू झाला. यापैकी काही जणांना वाचवण्यात यश आले, तर काहींना प्राण गमवावे लागले. सरकारी मदत न पोहोचल्यामुळे या सर्वांना खाजगी बोटीतून वाचवले जात होते. पण बोट फांदीला अडकली आणि पलटी झाली.
महापुरानंतर सांगली आणि कोल्हापूर जिल्हा आता सावरत आहे. राज्यासह देशभरातून पूरग्रस्तांसाठी मदत मिळत आहे. सरकारकडूनही पीडितांना मदतीचे वाटप सुरू करण्यात आले आहे. या नैसर्गिक संकटामध्ये ब्रम्हनाळच्या घटनेने सर्वांचे हृदय हेलावून गेले आहे.