नवीदिल्ली – केंद्रातील नरेंद्र मोदी सरकारने महागाईने होरपळणाऱ्या जनतेला मोठा दिलासा दिला आहे. केंद्राने शनिवारी पेट्रोलवरील उत्पादन शुल्कांत मोठी कपात केली. यामुळे पेट्रोल प्रतिलिटर 9.50 रुपये, तर डिझेल 7 रुपयांनी स्वस्त झाले आहे. केंद्रीय अर्थमंत्री निर्मला सीतारमण यांनी या करकपातीची माहिती दिली. नवे दर आज मध्यरात्रीपासून लागू होतील.
पंतप्रधान नरेंद्र मोदी यांनी काही दिवसांपूर्वीच राज्यांना महागाईने होरपळणाऱ्या जनतेला दिलासा देण्यासाठी उत्पादन शुल्कात कपात करण्याचा सल्ला दिला होता. अर्थमंत्री म्हणाल्या -‘सरकारने उज्ज्वला योजनेतील गॅस सिलिंडरवर यंदा 200 रुपयांची सबसिडी देण्याचा निर्णय घेतला आहे. या योजनेंतर्गत एका कुटुंबाला वर्षाकाठी 12 सिलिंडर मिळतील. त्याचा फायदा देशातील 9 कोटी कुटुंबांना मिळेल.’