मुंबई: अमरावतीच्या श्री. शिवाजी एज्युकेशन सोसायटीचे डॉ. पंजाबराव देशमुख नर्सिंग इन्स्टिट्यूटला बी.एस्सी. नर्सिंग या अभ्यासक्रमासाठी सन 2021-22 या शैक्षणिक वर्षापासून प्रवेशक्षमता वाढ 50 वरुन 100 करण्यासाठी मान्यता देण्यात आली आहे.
सन 2021-22 पासून या महाविद्यालयातील बी. एस्सी नर्सिंग या पदवी अभ्यासक्रमाची विद्यार्थी प्रवेशक्षमता 100 इतकी राहील. सर्वोच्च न्यायालय, केंद्र शासन, उच्च न्यायालय आणि राज्य शासन यांनी वेळोवेळी दिलेल्या आदेशानुसार या अभ्यासक्रमाच्या प्रवेशाकरिता निश्चित करण्यात आलेल्या कार्यपद्धती अवलंबिण्यात येणे आवश्यक आहे. राज्य शासनाने तसेच विद्यापीठाने नर्सिंग अभ्यासक्रमाच्या महाविद्यालयात वेळोवेळी विहित केलेल्या नियमांचे व मानकांचे पालन करणे संस्थेवर बंधनकारक असणार आहे. महाराष्ट्र एज्युकेशनल इन्स्टिट्यूशन्स ॲक्ट, 1987 मधील तरतुदींचे संस्थेने काटेकोर पालन करणे आवश्यक आहे.