भुवनेश्वर-ओडिशाचे आरोग्य मंत्री नबा दास यांच्यावर रविवारी प्राणघातक हल्ला झाला. ब्रजराजनगर येथे एका पोलिस अधिकाऱ्याने त्यांच्यावर गोळीबार केला. त्यात त्यांच्या छातीत 4 ते 5 गोळ्या शिरल्या आहेत. त्यांची प्रकृती चिंताजनक आहे. पोलिसांनी हल्ला करणाऱ्या ASI गोपालदास याला अटक केली आहे. त्याची कसून चौकशी सुरू आहे.
पोलिसांच्या माहितीनुसार, रविवारी दुपारी 12.15 च्या सुमारास हा हल्ला झाला. नबा दास ब्रजराजनगर येथे आयोजित एका कार्यक्रमात सहभागी होण्यासाठी गेले होते. कारमधून उतरताच ASI गोपालदास यांनी त्यांना गोळ्या घातल्या. सध्या नबा दास यांना पुढील उपचारांसाठी हवाई रुग्णवाहिकेद्वारे भुवनेश्वरला हलवण्यात आले आहे.
मंत्री नाबा दास यांच्यावर रविवारी सुरक्षेत तैनात असिस्टंट सब इन्स्पेक्टरने (एएसआय) हल्ला केला. एएसआयने ओडिशा सरकारचे मंत्री नाबा दास यांच्या छातीत गोळ्या झाडल्या. नाबा दास यांना गंभीर अवस्थेत रुग्णालयात दाखल करण्यात आले असून ते मृत्यूशी झुंज देत आहेत. ही घटना झारसुगुडा जिल्ह्यातील आहे.
ओडिशा सरकारच्या सर्वात श्रीमंत मंत्र्यांत समावेश
नबा किशोर ओडिशा सरकारच्या सर्वात श्रीमंत मंत्र्यांपैकी एक आहेत. त्यांच्याकडे 15 कोटींहून अधिकच्या किंमतीची जवळपास 70 वाहने आहेत. त्यात एका मर्सिडीज बेंझचाही समावेश आहे. या कारची किंमत जवळपास 1.14 कोटी रुपये आहे.
नाबा किशोर दास यांची गणना झारसुगुडा जिल्ह्यातील प्रभावशाली नेत्यांमध्ये केली जाते. ते पूर्वी काँग्रेस पक्षात होते. ओडिशा काँग्रेसच्या बड्या नेत्यांमध्ये नाबा दास यांची गणना होते. नंतर नाबा यांनी काँग्रेस पक्ष सोडला. नाबा दास यांनी काँग्रेसपासून फारकत घेत राज्याच्या सत्ताधारी बिजू जनता दलात (बीजेडी) प्रवेश केला.मग मुख्यमंत्री नवीन पटनायक यांनी त्यांच्या सरकारमध्ये आरोग्य आणि कुटुंब कल्याण विभागासारखे मोठे खाते नाबा दास यांच्याकडे सोपवले. नाबा दास यांची ओळख तळागाळातील नेते म्हणून झाली आहे. नाबा दास हे नवीन पटनायक मंत्रिमंडळातील मजबूत नेत्यांपैकी एक आहेत.
ओडिशा सरकारचे मंत्री नाबा दास नुकतेच मोठ्या प्रमाणात देणगी देऊन चर्चेत आले होते. नाबा दास यांनी शनि शिंगणापुरातील मंदिराला एक कोटी रुपयांहून अधिक किमतीचा सोन्याचा कलश दान केला होता. नाबा दास यांनी देशातील प्रसिद्ध शनि मंदिरांपैकी एक असलेल्या शनी शिंगणापूर मंदिराला 1.7 किलो सोने आणि 5 किलो चांदीचे कलश दान केले.नवीन पटनायक यांच्या नेतृत्वाखालील ओडिशा सरकारमधील सर्वात श्रीमंत मंत्र्यांमध्ये नाबा दास यांची गणना केली जाते. त्यांना आलिशान वाहनांची आवड आहे. त्यांच्याकडे सुमारे 16 कोटी रुपयांची 80 वाहने आहेत. नाबा दास यांच्या सोबत असलेल्या 80 वाहनांच्या प्रचंड ताफ्यात 1 कोटी 14 लाख रुपयांची मर्सिडीझ बेंझ कारही आहे.
नाबा दास यांच्याकडे कोट्यवधी रुपयांची रोकड आणि गुंतवणूक आहे, तर त्यांची पत्नीही संपत्तीच्या बाबतीत मागे नाही. नाबा दास यांच्या पत्नीकडेही कोट्यवधी रुपयांची संपत्ती आहे. नाबा दास यांच्या पत्नीकडे 30 कोटी रुपयांहून अधिक चल-अचल संपत्ती असल्याचे सांगितले जाते. रिपोर्ट्सनुसार, नाबा दास यांच्या पत्नीच्या नावावर संबलपूरच्या वेगवेगळ्या बँकांमध्ये तीन कोटींहून अधिक रुपये जमा आहेत. नाबा दास यांच्या पत्नीच्या नावे शेअर्समध्येही मोठी गुंतवणूक आहे.7 वर्षांपूर्वी तत्कालीन काँग्रेस आमदार नाबा दास यांनी ओडिशाच्या विधानसभेत कथितरीत्या स्मार्टफोनवर पॉर्न क्लिप पाहिल्याचा आरोप करण्यात आला होता. माध्यमांमध्ये तेव्हा ते पहिल्यांदा चर्चेत आले होते. तेव्हा बीजेडीच्या आमदार आणि महिला आघाडीच्या अध्यक्षा प्रमिला मलिक यांनी त्यांच्यावर टीकेची झोड उठवली होती. प्रश्नोत्तराच्या तासात केलेल्या या कृत्यावरून दास चांगलेच वादात सापडले होते. या सर्व घटनेवर स्पष्टीकरण देताना दास म्हणाले होते की, ते आपल्या स्मार्टफोनवर काहीतरी महत्त्वाची माहिती शोधत होते. यादरम्यान अचानक पॉर्न क्लिप ओपन झाली. त्यांनी म्हटले होते की, त्यांनी आपल्या आयुष्यात कधीही पॉर्न पाहिले नाही.