औरंगाबाद-एमआयएमचे खासदार इम्तियाज जलील यांना औरंगाबाद पोलिसांनी अटक केली आहे. जलील यांना मशीदीत जाण्यापूर्वीच अटक करण्यात आली. त्यांनी मशीद उघडून नमाज अदा करण्याची घोषणा केली होती.
इम्तियाज जलील यांना पोलिसांनी नमाज अदा करण्यासाठी जातानाच ऐनवेळी अडवले. यावेळी पोलिसांशी बोलताना जलील म्हणाले, आताच आम्ही लोकांना अपील केले की शांतता राखा. आता नमाज अदा करण्यासाठी जात आहोत. आम्ही शांततेने नमाज अदा करण्यासाठी जात आहोत. आमच्यासोबत 25 पेक्षा कमी कार्यकर्ते आहेत. फक्त 5-7 मिनिटे द्या. आम्ही नमाज अदा करू आणि निघून जाऊ.”
पण पोलिसांनी त्यांचे काहीच ऐकले नाही. सरकारी नियम आहेत त्यानुसार ही कारवाई केली जात आहे असे पोलिसांनी म्हटले. त्यावर आम्ही सुद्धा सरकारला हेच सांगण्यासाठी आणि अपील करण्यासाठी करत आहोत असे जलील म्हणाले. यानंतर त्यांना अटक करून नेण्यात आले. त्यांच्यासोबत एमआयएमचे नगरसेवक आणि मागच्या विधानसभा निवडणुकीतील उमेदवार नासेर सिद्दीकी सुद्धा होते. त्यांना देखील जीपमध्ये बसवून नेण्यात आले .कोरोनाचा वाढता प्रादुर्भाव पाहता धार्मिक स्थळ उघडण्याची परवानगी नाही. आज एमआयएमचे खासदार इम्तियाज जलील मशिद उघडून नमाज अदा करणार असल्याचे म्हणाले होते.