गुजरातमधील मोरबी येथे मच्छू नदीवरील झुलता पूल कोसळून झालेल्या दुर्घटनेत मृतांची संख्या 134वर गेली आहे. या भयंकर अपघातप्रकरणी पुलाचे नूतनीकरण आणि देखभाल करणाऱया ओरेव्हा पंपनीच्या चार कर्मचाऱयांसह नऊ जणांना अटक केली आहे.
मोरबीत मच्छू नदीवर उभारलेला झुलता पूल 135 वर्षे जुना होता. पर्यटकांचे आकर्षण केंद्र असलेल्या या पुलाचे नूतनीकरण काही दिवसांपूर्वीच ओरेव्हा पंपनीने केले होते. देखभाल आणि दुरुस्तीचे पंत्राट या पंपनीकडे होते. मात्र, नूतनीकरणानंतर अवघ्या पाच दिवसांत पूल कोसळला आणि 134 जणांचा मृत्यू झाला. 100वर जखमी असून, त्यात अनेकांची प्रकृती गंभीर आहे. त्यामुळे मृतांची संख्या वाढण्याची भीती आहे.
भाजप खासदारांच्या परिवारातील 12 जणांचा मृत्यू
या भयंकर अपघातात राजकोटचे भाजप खासदार मोहनभाई पुंदारिया यांच्या परिवारातील 12 जणांचा मृत्यू झाला. यामध्ये पाच लहान मुले आणि पुंदारिया यांच्या बहिणीचा समावेश आहे.
देशभरात खळबळ माजविणाऱया या अपघातप्रकरणी ओरेव्हा कंपनीचे दोन मॅनेजर आणि दोन बुकिंग क्लार्कसह नऊ जणांना आतापर्यंत अटक केली आहे. या प्रकरणाची सखोल चौकशी सुरू आहे, अशी माहिती राजकोट विभागाचे पोलीस महानिरीक्षक अशोक यादव यांनी दिली.
एनडीआरएफ, हवाईदल, लष्करी जवान, नौदलाच्या पथकाने बचावकार्य पूर्ण केले.
पूलावर एका वेळेस शंभरजण जाऊ शकत होते. पण पूल कोसळला तेव्हा तेथे 500वर नागरिक होते. एवढय़ा मोठय़ा संख्येने नागरिकांना का सोडले?
कोलकाता येथील पूल कोसळला तेव्हा पंतप्रधान मोदी काय म्हणाले होते?
कोलकाता येथे 2016 मध्ये असाच पूल कोसळला होता. पश्चिम बंगाल विधानसभा निवडणुकीपूर्वी ही दुर्घटना झाली होती. तेव्हा पंतप्रधान नरेंद्र मोदी काय म्हणाले होते? मुख्यमंत्री ममता बॅनर्जी यांच्यावर कशी टीका केली होती? याचा व्हिडिओ मोठय़ा प्रमाणावर व्हायरल झाला आहे. आता गुजरात विधानसभेची निवडणूक होणार आहे. पंतप्रधान मोदी काय बोलणार? असा सवाल सोशल मिडियावर विचारला जाऊ लागला आहे.
कोलकाता येथील पूल कोसळला तेव्हा पंतप्रधान मोदी ‘पूल पडण्याची घटना अॅक्ट ऑफ गॉड नाही तर, अॅक्ट ऑफ फ्रॉड’चा परिणाम आहे. निवडणुकीच्या दरम्यान पूल पडणे खरंतर अॅक्ट ऑफ गॉड आहे. पश्चिम बंगालमध्ये कसं सरकार चालवले जाते हे माहीत व्हावं, यासाठी हा देवाचा संदेश आहे’ अशी टीका केली होती. विरोधी पक्षांचे नेते, चित्रपट निर्माते विनोद कापरी यांच्यासह अनेकांनी मोदींचा 2016चा व्हिडिओ ट्विट करून त्यांना प्रश्न विचारले आहेत.