मुंबई- एकीकडे राज्यभर मराठी भाषा गौरव दिन साजरा होत असताना,गोरेगाव येथील सेंट झेवियर्स इंग्रजी माध्यमाच्या हायस्कूलमध्ये शानदार आणि उत्स्फूर्तपणे मराठी भाषा दिन साजरा करण्यात आला होता.
दि.२७ फेब्रुवारी हा दरवर्षी मराठी भाषा गौरव दिन राज्यभर आयोजित करण्यात येतो.विशेषतः शाळांमध्ये शिक्षक आणि विद्यार्थी आता मोठ्याप्रमाणात या कार्यक्रमात सहभाग घेवून लागले आहे.
गोरेगाव येथील सेंट झेवियर्स ही इंग्रजी माध्यमिक शाळा असताना सुद्धा तेथील विद्यार्थ्यांनी लघु नाट्य,लोक गीतं, अभिवाचन, लोक नृत्य असे विविध सांस्कृतिक कार्यक्रमाच्या माध्यमातून मराठी भाषेचा गौरव दिन साजरा केला.या कार्यक्रमाचे वैशिष्ट्य म्हणजे गोरेगाव येथील राज्य राखीव पोलिस बल – आठच्या तुकडीने उत्कृष्ट असे पोलिस वाद्यवृंद पथकाचे संचलन करून विद्यार्थ्यांमध्ये देशभक्ती जागृत केली. “जय जय महाराष्ट्र माझा” हे राज्य गीत सुद्धा या पोलिस बॅड पथकाने वाजविले.याला विद्यार्थ्यांनी जोरदार टाळ्या वाजवून प्रतिसाद दिला.
या बँड पथकाचे नेतृत्व पोलिस निरीक्षक मधुकर जाधव आणि उप पोलिस निरीक्षक पी.के.काशीद यांनी केले होते.
या कार्यक्रमाला प्रमुख पाहुणे म्हणून प्रा.डॉ.अजयकुमार गावडे, मंत्रालयाततील जेष्ठ पत्रकार खंडूराज गायकवाड, नितीन तोरस्कर आदी उपस्थित होते.
या हायस्कूलचे प्रिन्सिपल लाँईड जेम्स फरेरा आणि शिक्षकांनी कार्यक्रमाचे उत्कृष्ट आयोजन केले होते.