नवी दिल्ली-
दिल्लीचे उप मुख्यमंत्री मनीष सिसोदिया यांना सोमवारी दुपारी 3.10 वा. राउज अव्हेन्यू कोर्टात सादर करण्यात आले होते. तिथे जवळपास 30 मिनिटे सुनावणी झाली. त्यात तपास संस्थेने सिसोदियांची 5 दिवसांची कोठडी मागितली. कोर्टाने ती मान्य केली.5 दिवसांची CBI कोठडी सुनावली. त्यामुळे आता ते 4 मार्चपर्यंत केंद्रीय गुन्हे अन्वेषण विभागाच्या ताब्यात राहतील. सिसोदियांना सीबीआयने रविवारी सलग 8 तासांच्या चौकशीनंतर अटक केली. सिसोदिया तपासात सहकार्य करत नसल्याचा आरोप तपास संस्थेने केला आहे.
सिसोदिया यांच्या अटकेनंतर आम आदमी पार्टी (आप) दिल्लीसह देशातील अनेक शहरांमध्ये निदर्शने करत आहे. नेते-कार्यकर्त्यांना ताब्यात घेतले आहे. दिल्लीतील भाजप कार्यालयाचा घेराव करू, असे आपने म्हटले आहे.जुलै 2022 मध्ये दिल्लीचे नायब राज्यपाल व्हीके सक्सेना यांनी मनीष सिसोदिया यांच्या विरोधात सीबीआय चौकशीची मागणी केली. सक्सेना यांनी सिसोदिया यांनी नियमांकडे दुर्लक्ष करून भ्रष्टाचार केल्याचा आरोप केला होता. यानंतर ईडी आणि सीबीआयने सिसोदियाविरुद्ध तपास सुरू केला.
कोर्ट रूम LIVE…
CBI: वकील कोर्टात म्हणाले, “हे संपूर्ण प्रकरण प्रॉफिटचे आहे. आम्हाला याबाबत अधिक चौकशी करायची आहे. सिसोदिया हे उत्पादन शुल्क मंत्री आहेत आणि ते मंत्र्यांच्या गटाचे नेतृत्व करत होते. मद्य धोरणाच्या मॉडेलबद्दल कोणतीही चर्चा झाली नाही.”
सिसोदिया : वकील दयान कृष्णन म्हणाले, “एलजींनी मे 2021 मध्ये पॉलिसीला ग्रीन सिग्नल दिला होता. नफ्याच्या मार्जिनबद्दलच्या सर्व वादविवादांना एलजींनी मान्यता दिली होती. त्यांनी बदलांना मान्यता दिली होती. पहिल्याच दिवशी सीबीआय फोनबद्दल बोलले. म्हणाले सिसोदिया यांनी 4 फोन वापरले, 3 नष्ट केले. सिसोदिया त्यांचा फोन सेकंड हँड दुकानात देऊ शकत नव्हते का.
सिसोदिया: दयान कृष्णन म्हणाले, “सीबीआय म्हणत आहे की सिसोदिया त्यांना पाहिजे तसा प्रतिसाद देत नाहीत. तपासात सहकार्याचा प्रश्न आहे, सिसोदिया यांनी सहकार्य केले आहे. त्यांच्या घरावर छापे टाकण्यात आले. त्यांचे फोन एजन्सीकडे आहेत. आता एजन्सी म्हणत आहे की सिसोदिया टाळाटाळ करणारी उत्तरे देत आहेत. त्यांना हा अधिकार आहे. व्यक्तीला घटनात्मक अधिकार आहेत.