नेपाळच्या पोखरामध्ये रविवारी सकाळी 11 वाजता यती एअरलाइन्सच्या 72 आसनी विमान अपघातात 68 जणांचा मृत्यू झाला. या विमानात 10 विदेशींसह 68 प्रवासी व 4 क्रू मेंबर होते. ज्यामध्ये 5 भारतीय देखील दगावले आहेत. जळत्या विमानातून दोघांना बाहेर काढण्यात आले असून सध्या त्यांची प्रकृती गंभीर आहे. उर्वरित दोघांची माहिती मिळू शकली नाही.
नेपाळच्या पोखरामध्ये रविवारी सकाळी सुमारे ११ वाजता यती एअरलाइन्सचे ७२ आसनी विमान कोसळले. विमानात १० विदेशींसह ६८ प्रवासी व ४ क्रू मेंबर होते. पैकी ६८ जणांचा मृत्यू झाला. त्यात ५ भारतीय आहेत. जळत्या विमानातून दोघांना बाहेर काढण्यात आले. ते गंभीर आहेत. उर्वरित दोघांची माहिती मिळू शकली नाही. विमानाने काठमांडूतील त्रिभुवन आंतरराष्ट्रीय विमानतळाहून सकाळी १०:३२ वाजता उड्डाण केले. ते १०:५९ वाजता लँड होणार होते, पण २७ व्या मिनिटापूर्वीच क्रॅश झाले.
पोखरा विमानतळाच्या एटीसीनुसार, विमान धावपट्टीपासून १० सेकंदांच्या अंतरावर होते. ते लँड करण्यापूर्वीच सती नदी किनारी कोसळले. अभिषेक कुशवाह, विशाल शर्मा, अनिल राजभर, सोनू आणि संजय जायसवाल अशी भारतीय मृतांची नावे आहेत. नेपाळच्या एव्हिएशन अथॉरिटीनुसार, तांत्रिक बिघाडामुळे हे विमान कोसळले. पोखरा हे हिमालय क्षेत्राचे प्रमुख पर्यटनस्थळ आहे.
अंजूचे अखेरचे उड्डाण, पतीचा असाच मृत्यू झाला अंजू खतिवडा हिचे पायलट म्हणून हे अखेरचे उड्डाण ठरले आहे. यशस्वीरीत्या लँडिंग केल्यानंतर तिला प्रमुख पायलटचा परवाना मिळणार होता, पण असे होऊ शकले नाही. दुर्दैव म्हणजे अंजूचे पती दीपक पोखरेल हेही यती एअरलाइन्समध्ये को-पायलट होते. जून २००६ मध्ये विमान अपघातात त्यांचाही मृत्यू झाला होता.