पणजी, ३ मे – गोवा हेरिटेज फेस्टिव्हल २०१९ ची ओपिनियन पोल स्क्वेयर फार्टोडा, मडगाव येथे मोठ्या धामधुमीत सुरुवात झाली.
गुरुवारी संध्याकाळी श्री. परिमल राय, आयएएस, माननीय प्रमुख सचिव, गोवा यांनी श्री. दौलत हवालदार, आयएएस, आयुक्त आणि सचिव, वित्त, गोवा सरकार, श्री. जे अशोक कुमार, आयएएस, सचिव, पर्यटन, गोवा सरकार, श्री. संजीव गडकर, संचालक, पर्यटन विभाग आणि इतर मान्यवरांच्या सन्मानीय उपस्थितीत या महोत्सवाचे उद्घाटन केले.
या महोत्सावाची सांगता रविवारी होणार असून तोपर्यंत विविध प्रकारच्या स्पर्धांचे आयोजन त्यात केले जाणार आहे. त्यामध्ये हेरिटेज संकल्पनेवर आधारित चित्रकला, फोटोग्राफी स्पर्धा यांचा समावेश असेल. त्याशिवाय हँडीक्राफ्ट्स, पुस्तके, खाद्यपदार्थ आणि पेयांचे स्टॉल्सचे आयोजन करण्यात आले असून ते पर्यटक व स्थानिकांना नक्की आकर्षित करतील.
हा महोत्सव चार दिवस चालणार असून त्यादरम्यान गोव्याच्या वारशाचा प्रसार केला जाईल.