नवी दिल्ली – सोमवारी इंडिया बुलियन अँड ज्वेलर्स असोसिएशनद्वारा (आयबीजेए) आयोजित अर्धा तासाच्या मुहूर्त ट्रेडिंगमध्ये देशभरात १०० किलो सोने आणि ६०० किलो चांदीची विक्री झाली. मागील सत्राच्या तुलनेत सोन्यांत घसरण तर चांदीत तेजीने व्यवहार झाले. विशेष म्हणजे यंदा धनत्रयोदशीला देशभरात ३० टन सोन्याची विक्री झाली.
आयबीजेएचे राष्ट्रीय सचिव सुरेंद्र मेहता यांनी सांगितले की, मागील वर्षाच्या तुलनेत सोने आणि चांदीचे चढ्या किमतीत व्यवहार झाले. मात्र धनत्रयोदशीला जो सोन्याचा भाव होता त्यापेक्षा कमी किमतीवर सौदे झाले, तर चांदीत मात्र चढ्या दराने सौदे झाले. असोसिएशनकडून मिळालेल्या माहितीनुसार, मुहुर्त ट्रेडिंग दरम्यान २४ कॅरेट सोने १० ग्रॅमला ३८,६६६ रुपये या दराने विक्री झाले तर धनत्रयोदशीला (२५ नोव्हेंबर) २४ कॅरेट सोन्याची किमत ३८७७५ रुपये अशी होती. चांदीचे सौदे ४६,७५१ रुपये प्रतिकिलो किमतीने झाले.