पुणे-रस्ता सुरक्षा अभियान 2023 अंतर्गत प्रादेशिक परिवहन कार्यालय,पुणे व पुणे पोलिस वाहतूक शाखा यांच्या वतीने आयोजित करण्यात आलेल्या कार्यक्रमात बोलताना आपण उद्याचे वाहन चालक आहात,वाहतुकीच्या नियमांचे काटेकोरपणे पालन करा असे प्रतिपादन मोटार वाहन निरीक्षक. सौ.रहीमा मुल्ला यांनी केले.
पुणे शहराची लोकसंख्या पहाता सरासरी प्रती व्यक्ती 1 वाहन आढळून येते ही बाब निश्चितच चिंताजनक आहे.वाहनाची वाढ होणे हे वाहतुकीवर ताण येण्याचे मुख्य कारण असल्याचेही सौ. रहीमा मुल्ला म्हणाल्या “आजचे विद्यार्थी उद्याचे वाहन चालक या व्याख्यानावर प्रमुख वक्त्या म्हणून त्या बोलत होत्या.
या प्रसंगी सेंट हिल्डाज प्रशालेचे प्रमुख आशिष जेम्स,सहाय्यक मोटार वाहन निरीक्षक जयंत काटे,व सौ.श्रध्दा कंदापुरे , चंद्रकांत रघतवान पोलीस उपनिरीक्षक वाहतूक शाखा पुणे शहर यांनी विद्यार्थ्यांना मार्गदर्शन केले.
प्रशालेच्या विविध शाखांच्या मुख्याध्यापिका सौ.विनिता राठोड,सौ.संगीता कदम,सौ.सुनीता ठोंबरे या प्रसंगी उपस्थित होत्या.
आदर्श वाहन चालक म्हणून संतोष क्षिरसागर यांना सन्मानित करण्यात आले.
कार्यक्रम यशस्वी होण्यासाठी सुनील वंजारे, विशाल शर्मा, महेश शिळीमकर व कृष्णा दाभाडे यांनी विशेष परिश्रम घेतले.
प्रास्ताविक संजय ढमाले,तर संजय रसाळ यांनी आभार प्रदर्शन केले.
कार्यक्रमाचे प्रमुख आयोजक विठ्ठल मेहता यांनी कार्यक्रमाचे सूत्रसंचालन केले.