पुणे: मतदानावर बहिष्कार हा पर्याय नाही. कोथरूडमध्ये नागरिकांच्या समस्या मला ठाऊक असून त्यावर निश्चित कालबद्ध तोडगा काढण्यासाठी मी ठोस नियोजन केले आहे, असे प्रतिपादन भारतीय जनता पार्टी शिवसेना आरपीआय महायुतीत कोथरूड विधानसभा मतदारसंघाचे उमेदवार चंद्रकांत दादा पाटील यांनी आज येथे केले.
कोथरूड मतदारसंघातील सृष्टी, गुरुगणेशनगर, वात्सल्य नगरी, कुंबरे टाऊनशीप सोसायटीतील मतदारांनी विधानसभा निवडणुकीत मतदानावर बहिष्कार टाकण्याची भाषा केली होती. या पार्श्वभूमीवर श्री. चंद्रकांत दादा पाटील यांनी सोसायटीमध्ये आज सर्वसामान्य नागरिकांना समवेत संवाद साधला. त्यांच्या समस्या जाणून घेतानाच त्यावरील ठोस कालबद्ध तोडण्याबाबत देखील त्यांना आश्वस्त केले.
यावेळी कोथरूडच्या विद्यमान आमदार मेधाताई कुलकर्णी, भाजपचे नगरसेवक मुरलीधर मोहोळ, शिवसेनेचे माजी आमदार चंद्रकांत मोकाटे यांच्यासह स्थानिक नगरसेवक, सोसायटीचे पदाधिकारी आणि रहिवासी मोठ्या संख्येने उपस्थित होते.
सृष्टी, गुरुगणेशनगर, वात्सल्य नगरी, कुंबरे टाऊनशीप सोसायटीतील रहिवाशांच्या समस्या जाणून घेतल्यानंतर श्री पाटील म्हणाले की, माझ्यावर विश्वास ठेवा. स्थानिक प्रशासनातील अधिकाऱ्यांच्या मदतीने येथील सर्व समस्यांवर स्थानिक प्रशासनाच्या सहकार्याने ठोस उपाय करण्याचे नियोजनही केले आहे. तसेच राज्य सरकारच्या धोरणात्मक निर्णयांच्या माध्यमातून या सर्व समस्या निकाली लागतील.
ते पुढे म्हणाले की, “गेल्या पाच वर्षात राज्यातील अनेक प्रलंबित विषय आपण सोडवले आहेत. पुढील पाच वर्षात संधी दिल्यानंतर महाराष्ट्राला दुष्काळमुक्त करायचं आहे. त्यासोबत औद्योगिक क्षेत्राला उभारी देण्यासाठी अनेक योजना कार्यान्वित करायच्या आहेत. देशाचे लोकप्रिय पंतप्रधान नरेंद्र मोदी यांनी पाहिलेले प्रत्येक गरिबाला घर देण्याचे स्वप्न सत्यात उतरवायचे आहे. यासाठी मोदींचे हातबळकट करावेत. त्यासोबतच, राज्यात गेल्या पाच वर्षात मुख्यमंत्री देवेंद्र फडणवीस यांनी राज्यात विकासाची गती निर्माण केली आहे, ती तशीच कायम ठेवून संपूर्ण देशात एक आदर्श निर्माण करायचा आहे, यासाठी राज्यातील जनतेची सेवा करण्याची आम्हाला पुन्हा एकदा संधी द्यावी,” असे आवाहन श्री. पाटील यांनी केले.
दरम्यान, सृष्टी, गुरुगणेशनगर, वात्सल्य नगरी, कुंबरे टाऊनशीप सोसायटीतील रहिवाशांची सर्व मते चंद्रकांत दादा पाटील यांनी पूर्ण वेळ देऊन ऐकून घेतली. महिला ज्येष्ठ नागरिक आदींबाबत प्राधान्याने निर्णय घेण्यात येईल असे सांगितले. श्री. पाटील यांच्या आवाहनाला सकारात्मक प्रतिसाद दिला आहे. आणि विधानसभा निवडणुकीत मतदानाचा निश्चय व्यक्त केला.
योग्य डॉक्टर मिळाला आहे
कोथरूड परिसरातील नागरिकांनी व्यक्त केलेल्या समस्या या आता चिंताजनक स्वरूप प्राप्त केले असून त्या आयसीयूमध्ये आहेत अशा शब्दात नागरिकांनी मत व्यक्त केले. त्यावर चंद्रकांत दादा पाटील यांनी खास पुणेरी शैलीमध्ये उत्तर दिले. ते म्हणाले की, समस्या आयसीयूमध्ये आहेत हे मान्य आहे पण आत्तापर्यंत योग्य डॉक्टर मिळत नव्हता आता माझ्या माध्यमातून तुम्हाला फॉरवर्ड करून डॉक्टर मिळाला आहे त्यामुळेच मधील पेशंट लवकरच बाहेर येऊन ठणठणीत बरा होईल. यावर उपस्थित नागरिकांनी टाळ्यांच्या गजरात चंद्रकांत दादा पाटील यांनी व्यक्त केलेला विश्वासाला मान्यतेची पावती दिली.