पुणे : राज्यातील महाविकास आघाडी सरकारची वर्षपूर्ती साजरी होत असतानाच पुणे पदवीधर आणि शिक्षक मतदारसंघातून आघाडीचे उमेदवार विजयी झाले, वर्षापूर्तीनंतरची ही पहिलीच निवडणूक जिंकल्याचा आनंद आहे, अशी प्रतिक्रिया पुणे महापालिकेतील कॉंग्रेस पक्षाचे गटनेते आबा बागुल यांनी व्यक्त केली.
महाविकास आघाडीतील काँग्रेस, राष्ट्रवादी कॉंग्रेस आणि शिवसेना या घटक पक्षांच्या एकजुटीचा विजय विधानपरिषद निवडणुकीत झाला असे बागुल यांनी म्हटले असून पदवीधर मतदारसंघातील विजयी उमेदवार अरुण लाड आणि शिक्षक मतदारसंघातील विजयी उमेदवार जयंत आसगांवकर यांचे अभिनंदन केले आहे.
यापुढील काळातही आघाडी एकजुटीने काम करेल, असा विश्वास बागुल यांनी व्यक्त केला आहे.