पुणे संत तुकाराम महाराज यांच्याविषयी अवमानकारक वक्तव्य करणाऱ्या बागेश्वर महाराज यांच्यावर तत्काळ कारवाई करावी, अशी मागणी शरद क्रीडा व सांस्कृतिक प्रतिष्ठानचे अध्यक्ष लक्ष्मीकांत खाबिया यांनी निवेदनाद्वारे केली आहे.
बागेश्वर महाराज यांचा संत तुकाराम महाराजांबाबत अवमानकारक टिप्पणी करणारी व्हिडिओ व्हायरल झाला आहे. हा व्हिडिओ पाहून वारकरी संप्रदायात संताप व्यक्त केला जात आहे. बागेश्वर महाराजांच्या वक्तव्यामुळे समस्त वारकरी संप्रदायाच्या भावना दुखावल्या गेल्या आहेत. महाराष्ट्राची वाटचाल ही वारकरी संप्रदायाच्या विचारांवर सुरू आहे. संत तुकाराम महाराज हे छत्रपती शिवाजी महाराज यांचे गुरू आहेत. त्यामुळे तुकाराम महाराज यांच्याविषयीचे अवमानकारक भाष्य सहन केले जाणार नाही, असा इशारा खाबिया यांनी या निवेदनाद्वारे दिला आहे.