पुणे .दि. 14 ( प्रतिनिधी)
सशक्त युवा नेतृत्व तयार करण्यासाठी जर्मनीतील कास्यप ( Conrad Adenauer Young Politicans Programme) या संस्थेने जर्मन सरकारतर्फे आयोजित केलेल्या कार्यशाळेत सहभागी होण्यासाठी स्वरदा बापट यांची निवड झाली आहे. बर्लिन येथे 23 ऑगस्ट ते 1सप्टेंबर या दरम्यान ही कार्यशाळा आयोजित करण्यात आली आहे. स्वरदा बापट या भाजयुमोच्या उपाध्यक्षा आहेत. बर्लिन येथे होणा-या या कार्यशाळेसाठी अग्नेय आशियाई देशांतून सोळा युवा नेत्यांची निवड झाली आहे. त्यामध्ये बापट यांचा समावेश आहे. कास्यप ही आंतरराष्ट्रीय स्वयंसेवी संस्था राजकारणातील युवा नेतृत्व विकसित करण्यासाठी विविध प्रकल्प राबविते. आशिया खंडातील राजकीय पक्षांना तरूण नेत्यांची फळी उभी करण्यासाठी अभ्यासक्रम तयार करणे. सत्तेमध्ये सहभागी होतांना शासकीय योजनांच्या प्रभावी अंमलबजावणीसाठी या नेत्यांमध्ये क्षमता निर्माण करणे. वेगवेगळ्या विचारधारांचे तत्वज्ञान समजावून देणे. पक्षात किंवा मतदार संघात पथदर्शी प्रकल्प राबविणे. इ.विषय या कार्यशाळेत हाताळले जाणार आहेत.