पुणे – थर्डआय स्पोर्ट्स अँड इव्हेंट्स एलएलपी यांच्या तर्फे आयोजित तिसऱ्या थर्डआय करंडक टी-20 क्रिकेट 2019 स्पर्धेत साखळी फेरीत एमईएससीसी, एनएसएफए(नाशिक) या संघांनी आपापल्या प्रतिस्परध्यांचा पराभव करून आगेकूच केली.
कटारिया हायस्कुल क्रिकेट मैदान, मुकुंदनगर येथे सुरु झालेल्या या स्पर्धेत ऑस्टिन लाझरस( 74धावा) याने केलेल्या अर्धशतकी खेळीच्या जोरावर एमईएससीसी संघाने 20षटकात 5बाद 177धावा केल्या. यामध्ये ऑस्टिन लाझरस 74, सागर बिलवडे नाबाद 31, सौरभ जगदाळे 29, प्रसाद गिरकर नाबाद 15 यांनी धावा करून संघाच्या डावाला आकार दिला. या आव्हानाचा पाठलाग करताना व्हर्च्युअल सिम्युटेकचा डाव 17.4षटकात 130धावावर संपुष्टात आला. यामध्ये जयेश राठोड 22, अच्युत मराठे 45, राहुल शिंदे 21 यांनी थोडासा प्रतिकार केला. एमईएससीसीकडून सुदेश ठाकूर 4-12, सागर बिलवडे 3-14, दीपक शिलमकर 2-39यांनी सुरेख गोलंदाजी करत संघाला विजय मिळवून दिला.
दुसऱ्या सामन्यात राहुल पुरी(39धावा)याने केलेल्या खेळीच्या जोरावर एनएसएफए(नाशिक) संघाने शिवाजी इलेव्हनचा 6गडी राखून पराभव केला.
स्पर्धेचा सविस्तर निकाल: साखळी फेरी:
एमईएससीसी: 20षटकात 5बाद 177धावा(ऑस्टिन लाझरस 74(37), सागर बिलवडे नाबाद 31(13), सौरभ जगदाळे 29, प्रसाद गिरकर नाबाद 15, अच्युत मराठे 3-20, सुजित उबाळे 1-27) वि.वि.व्हर्च्युअल सिम्युटेक: 17.4षटकात सर्वबाद 130धावा(जयेश राठोड 22, अच्युत मराठे 45, राहुल शिंदे 21, सुदेश ठाकूर 4-12, सागर बिलवडे 3-14, दीपक शिलमकर 2-39);सामनावीर-ऑस्टिन लाझरस;
शिवाजी इलेव्हन: 20षटकात सर्वबाद 97धावा(सौरभ दोडके 40(50), ऋतुराज गायकवाड 23(22), बालाजी घोडके 3-28, दर्शन सोनावणे 2-12, प्रतीक देवरे 2-10) पराभूत वि. एनएसएफए: 12.5षटकात 4बाद 98धावा(राहुल पुरी 39(28), कपिल आमटे नाबाद 19, रोहित भोरे 16, संतोष कुंजीर 2-32);सामनावीर-राहुल पुरी.