पुणे- पुणे मेट्रोपॉलिटन जिल्हा टेनिस संघटना व एमएसएलटीए यांच्या मान्यतेखाली आयोजित एमएसएलटीए योनेक्स सनराईज अखिल भारतीय मानांकन टॅलेंट सिरिज 14 वर्षाखालील टेनिस स्पर्धेत देशभरांतून 200हुन अधिक खेळाडूंनी आपला सहभाग नोंदविला आहे. हि स्पर्धा श्री शिवछत्रपती क्रीडा संकुल, म्हाळुंगे बालेवाडी येथील टेनिस कोर्ट येथे दि.26 ऑक्टोंबर ते 1 नोव्हेंबर 2019 या कालावधीत रंगणार आहे.
स्पर्धेचे संचालक प्रविण झिटे यांनी सांगितले की, स्पर्धेसाठी मुंबई, कोल्हापुर, सांगली, नगर, औरंगाबाद, नाशिक, जळगाव, खामगाव, सोलापुर, आंध्र प्रदेश, गुजरात, मध्य प्रदेश, दिल्ली, चंदिगड, तमिळनाडू येथुन प्रवेशीका आल्या आहेत. स्पर्धेच्या पात्रता फेरीचे सामने शनिवार, 26 ऑक्टोंबर व रविवार, 27 ऑक्टोंबर या दिवशी होणार असून मुख्य फेरीच्या सामन्यांना सोमवार, 28 ऑक्टोंबर 2019 पासून प्रारंभ होणार आहे.