पुणे ः ‘खूब लडी मर्दानी वो झॉंसी वाली रानी थी’, ‘मेरी झॉंसी नही दूँगी’, ‘भारत माता की जय’, ‘वंदे मातरम’ अशा घोषणा देत झाशीच्या राणीच्या पराक‘माचे १६२ व्या स्मृतिदिनानिमित्त स्मरण करण्यात आले.
क‘ांतिकारकांची स्ङ्गूर्तिदेवता म्हणून जनमानसात अढळ स्थान प्राप्त झालेल्या झाशीची राणी लक्ष्मीबाई यांना डेक्कन एज्युकेशन सोसायटीच्या अहिल्यादेवी शाळेच्या घोष पथकाने बालगंधर्व रंगमंदिर चौकातील लक्ष्मीबाईंच्या अश्वारूढ पुतळ्यासमोर मानवंदना दिली. मु‘याध्यापिका स्नेहल कुलकर्णी यांच्या हस्ते पूजन करण्यात आले.
बिकट परिस्थितीत खंबीरपणे लढण्याची प्रेरणा देणार्या झाशीच्या राणीने उत्तम प्रशासन, सैन्य व कल्याणकारी कामे यांची चोख व्यवस्था लावली होती. त्यांचे कार्य समाजाला आजही प्रेरणादायी असल्याचे मत कुलकर्णी यांनी व्यक्त केले.
घोष पथकात इयत्ता दहावीतील ४० विद्यार्थिनींचा समावेश होता. पथकाने जयमाला आणि भूप या रागांचे सादरीकरण केले. नेहा चव्हाण या विद्यार्थिनीने पथकाचे नेतृत्त्व केले. मु‘याध्यापिका स्नेहल कुलकर्णी यांच्या मार्गदर्शनाखाली दीपाली पवार, सुषमा राऊत, दर्शना कोकरे, योगेश रोकडे यांनी संयोजन केले.