डीईएसमध्ये ‘शासन निर्णय कार्यशाळा’
पुणे- डेक्कन एज्युकेशन सोसायटीच्या (डीईएस) घटक संस्थांमधील प्राचार्य, उपप्राचार्य, मु‘याध्यापक, उपमु‘याध्यापक, पर्यवेक्षक आणि कार्यालयीन कर्मचार्यांसाठी दोन दिवसांच्या ‘शासन निर्णय कार्यशाळे’चे आयोजन करण्यात आले होते. सोसायटीचे अध्यक्ष डॉ. शरद कुंटे अध्यक्षस्थानी होते.
गुणवत्तापूर्ण शिक्षणासाठी गुणवत्तापूर्ण व्यवस्थापनाची गरज असते. त्यासाठी केवळ पुस्तकी ज्ञान पुरेसे नसून, प्रशिक्षणाची गरज असते. त्यासाठी कार्यशाळेचे आयोजन केल्याचे डॉ. कुंटे यांनी यावेळी सांगितले. राखीव जागा धोरण, पवित्र प्रणाली, शालार्थ आणि सातवा वेतन आयोग, शिक्षण हक्क कायदा एस. एस. कोड, संच मान्यता या विषयांवर मार्गदर्शन करण्यात आले.
शिक्षण विभागातील माजी सह-संचालक लक्ष्मीकांत पांडे, उच्च शिक्षण विभागाचे माजी संचालक डॉ. के. एम. कुलकर्णी, उच्च शिक्षण विभागाचे संचालक प्रकाश गायकवाड, सेवानिवृत्त प्रशासकीय अधिकारी कृष्णा देशमुख, सेवानिवृत्त प्रशासकीय अधिकारी अनिल गावडे यांनी मार्गदर्शन केले. शिक्षण विभागाचे माजी सह-संचालक लक्ष्मीकांत पांडे यांनी विविध शासन निर्णयांबाबत माहिती दिली.
उपप्राचार्या स्वाती जोगळेकर यांनी प्रास्ताविक व सूत्रसंचालन केले. कार्यवाह डॉ. श्रीकृष्ण कानेटकर यांनी स्वागत आणि तिलोत्तमा रेड्डी यांनी आभार प्रदर्शन केले. शंभरहून अधिक प्रतिनिधींनी सहभाग घेतला.