पुुणे- पुणे शहराच्या मध्यवस्ती शुक्रवार पेठ येथे राजर्षी शाहू चौक मंडळाकडून दरवर्षी दिमाखदार दहीहंडी सोहळ्याचे आयोजन करण्यात येत असते. परंतु यावर्षी सर्वत्र पसरलेल्या कोरोना महामारीच्या पार्श्वभूमीवर मंडळाकडून विधायक दहीहंडी साजरी करण्यात आली. त्याअनुषंगाने एकलव्य न्यास संस्थेतील निराधार मुले-मुली यांना १००किलो गहू, १०० किलो तांदूळ, ३० किलो पोहे, डाळ, मास्क, सॅनिटीजर, हॅन्ड वॉश व इतर जीवनावश्यक साहित्यचे वाटप करण्यात आले. सदर कार्यक्रमाचे आयोजन युवा शिवसाई मित्र परिवारातर्फे करण्यात आले असून याकरिता खडक पोलीस स्टेशनचे अधिकारी श्री. बोबडे, श्री. सातपुते व तसेच एकलव्य न्यास चे मल्हार कांबळे आणि राजर्षी शाहू चौक मंडळाचे कार्यकर्ते आणि मान्यवर उपस्थित होते.
कोरोना महामारीच्या काळात समाजाचे आपण काही देणं लागतो ही भावना मनात जपत मंडळाने यंदाचा वर्षी दहीहंडी च्या आयोजनात खर्च होणारा निधी गोळा करून एकलव्य न्यास या संस्थे साठी मदत करण्याचे ठरवले आणि त्या अनुषंगाने संस्थेशी संपर्क साधून त्यांना हव्या असणाऱ्या गोष्टी यांची पूर्तता कशा प्रकारे करता येतील याचे नियोजन करून राजर्षी शाहू चौक मंडळा कडून गहू तांदूळ पोहे डाळ तसेच सनिटायझेशन साठी लागणारे हॅण्डवॉश, सनिटायझर, फिनेल, तसेच कपड्याचे व अंगाचे साबण, मास्क आणि मुलांसाठी नाश्ता तसेच चॉकलेट देण्यात आले.
राजर्षी शाहू चौक मंडळ दरवर्षी दहीहंडी चे मोठ्या प्रमाणात आयोजन करत असते पण तसेच एकलव्य न्यास या संस्थे सोबत सुद्धा गेली 4 वर्ष पासून जोडली गेली असून संस्थे तील मुलांसोबत मिळून एकलव्य न्यास या संस्थेतील मुलांसाठी चॉकलेट दहीहंडी चे आयोजन देखील गेली 4 वर्ष मंडळ करत आहे आणि त्या मध्ये खंड पडू न देता मंडळाने दरवर्षी प्रमाणे मंडळात दहीहंडी न करता एकलव्य न्यास या संस्थे मध्ये जाऊन कार्यक्रमाचे आयोजन केले होते.