अखेर आज आमदार कुलकर्णींनी सक्ती रद्द करण्याची मुख्यमंत्र्यांना केली विनंती
पुणे -कुठला सिनेमा किती दिवसात किती कोटीचा धंदा करतो या बातम्या तर येत असतातच ,पण आता पुण्याच्या पोलीस कमिशनरांच्या कारवाई अस्त्रा ने 9 दिवसात पुण्यातील दुचाकीस्वारांना सुमारे 100 कोटी रुपयांहून अधिक रकमेची हेल्मेट खरेदी करायला लावल्याचे दिसते आहे .दरम्यान आज भाजपच्या आमदार मेधा कुलकर्णी यांनी आपला हेल्मेट सक्तीला विरोध असल्याचे सांगत हि सक्ती शिथिल करावी अशी विनंती मुख्यमंत्र्यांना भेटून केली आहे.
गेल्या 1 तारखेपासून पुण्याच्या पोलीस कमिशनरांनी जो कारवाई शस्त्राचा जो जोरदार मारा शहरातील रस्तोरस्ती दुचाकीस्वारांवर सुरु ठेवला आहे त्यात ५० हजार दुचाकीस्वार प्रत्यक्षात त्यांच्या तडाख्यात सापडले आणि सुमारे अडीच कोटीचा दंड त्यांनी भरला असला तरी ..या कारवाईशस्त्राने मात्र भय निर्माण करून हेल्मेटच्या दुकानांतून गर्दी ओसंडून वाहू लागली आणि सुमारे १०० कोटी रुपयांची हेल्मेट खरेदी पुणेकरांनी नव्या वर्षाच्या पहिल्या आठवड्यात केल्याचे दिसले आहे . दरम्यान आज अखेरीस कोथरूडच्या आमदार मेधा कुलकर्णी या हेल्मेट सक्ती विरोधातील आपली भूमिका कायम ठेवत मुख्यमंत्री फडणवीस यांना भेटल्या आणि म्हणाल्या ‘ साहेब तेवढी पुण्यात हेल्मेट सक्ती शिथिल करायला त्या कमिशनर व्यंकटेश यांना सांगा हो.. .. फडणवीस सांगतो … म्हणाले आहेत ..पाहू यात आता पुढे काय होते ते ..
गेल्या दोन वर्षांपूर्वी देखील पुण्यात असा सक्ती राबविण्याचा प्रयोग झाला होता तेव्हा मंडई च्या टिळक पुतळ्या समोर आंदोलन करत आ.मेधा कुलकर्णी यांनी शिवसेनेला दोष दिला होता आणि मुख्यमंत्र्याकडे तक्रार करू असे म्हटले होते . आता आज सकाळी हीच जुनी बातमी मायमराठी ने पुन्हा प्रदर्शित करून जुन्या प्रसंगाची ,त्यांच्या वक्तव्याची आठवण करून दिली . शहरातले खासदार यांनी केवळ ट्विटर वर ट्विट करून हा विषय सोडला , अन्य साऱ्या आमदारांनी कुलपे घातली .पण अखेरीस मेधाताई बोलल्या …..तरी ..
त्यानंतर त्या माध्यमांशी बोलताना म्हणाल्या ,’शहराच्या मध्य भागात वाहन चालवताना अनेक अडचणी येतात. हेल्मेट वापरणे शक्य होत नाही. त्यामुळे शहरात हेल्मेट सक्ती रद्द करण्याची मागणी मी केली आहे. याबाबत त्यांनी मुख्यमंत्र्यांची भेट घेऊन त्यांना निवेदन दिले आहे.शहरात गाड्यांचा वेग कमी असतो. महिला, वृद्ध नागरिक दुचाकीवर जात असल्याने हेल्मेट वापरणे अडचणीचे होते. हेल्मेटला विरोध नाही. मात्र, हेल्मेट सक्ती फक्त महामार्गांवर असायला पाहीजे. असेही त्या म्हणाल्या. याबाबत मुख्यमंत्र्यांची भेट घेतली. त्यानंतर ते पुण्याच्या पोलीस आयुक्तांशी बोलतील, असा विश्वासही त्यांनी यावेळी दर्शवला.आणि मी पूर्वीच्याच मझ्या हेल्मेट सक्ती विरोधी भूमिकेवर ठाम असल्याचे त्यांनी स्पष्ट केले .
दरम्यान काही माध्यमांनी शहरातील ७० टक्के दुचाकी चालकांनी हेल्मेट स्वीकारल्याचा दावा करत हेल्मेटचे जनता स्वागत करत असल्याचे म्हटले आहे. या नुसारच विचार केला , शहरातील दुचाकीस्वारांची संख्या लक्षात घेतली ,आणि प्रती हेल्मेट ची किमान किंमत आधारभूत धरली हेल्मेटच्या बाजारात किती कोटी रुपयांची उलाढाल झाली याचा अंदाज येवू शकेल .शहरात ४५ लाख दुचाक्या आहेत ,त्याच्या ७० टक्के दुचाक्यांची संख्या 31 लाख ५० हजार एवढी होईल . पूर्वीच्या , जुन्या हेल्मेट धारकांची संख्या 11 लाख ५० हजार एवढी जास्तीत जास्त अंदाजे गृहीत धरली तरी 20 लाख नवी हेल्मेट 9 दिवसात विकली गेलीत असा तर्क काढता येईल . आणि किमान एक हेल्मेट ५०० रुपयांना गृहीत धरले तर १०० कोटी रुपयांची हेल्मेट खरेदी पुणेकरांनी केली असे म्हणता येणार आहे .पुण्याच्या पोलीस कमिशनरांच्या या कारवाईला अर्थात काहींनी हेल्मेट समर्थनाचा प्रचार करत साथ हि दिली होती .