पुणे-नाकाबंदीत पकडलेल्या गाडीतुन शिरूर पोलिसांनी 1 कोटी 26 हजाराच्या जुन्या नोटा जप्त केल्या ;शुक्रवारी (7 जून) रात्रीच्या सुमारास ही कारवाई करण्यात आली..ह्युंदाई कारमधून ही रक्कम जप्त केली..पोलिसांनी याप्रकरणी दोघांना ताब्यात घेतले तर एकजण फरार आहे. जप्त केलेल्या जुन्या नोटा पुण्यातील एका बांधकाम व्यावसायिकाच्या आहेत. नोटबंदीच्या काळात या नोटा बदलण्यासाठी पुण्यातील एका महाविद्यालयीन तरुणाला देण्यात आल्या होत्या. परंतु त्या बदलता न आल्यामुळे हा तरुण जुन्या नोटा घेऊन पुण्याच्या दिशेने येत होता. नाकाबंदीदरम्यान शिरूर पोलिसांना संशय आल्याने त्यांनी या गाडीची झडती घेतली असता या नोटा आढळून आल्या. शिरूर पोलिसांनी याप्रकरणी दोघांना अटक केली असून एक जण पळून जाण्यात यशस्वी ठरला..आयकर विभागाला याची माहिती देण्यात आली असून पुढील तपास आयकर विभागाचे अधिकारी करतील अशी माहिती शिरूर पोलिसांनी दिली.