३२ ते ३८ कोटीच्या टेंडर साठी रिंग -अरविंद शिंदेंचा आरोप
कोरोनाच्या विळख्यात ही महापालिकेत काही मश्गुल ठेक्यांच्या रिंगात (व्हिडीओ)
पुणे- एकीकडे शहर कोरोनाच्या विळख्यात सापडला असताना लोकांना आरोग्या बरोबर चरितार्थाची चिंता सतावत असताना सारे प्रशासन कोरोनाशी झुंजत असताना महापालिकेतील काही ठेकेदार आणि अधिकारी मात्र ठेक्यांच्या रिंगा करण्यात मश्गुल असल्याचा घणाघाती आरोप कॉंग्रेसचे गटनेते अरविंद शिंदे यांनी केला आहे. आंबील ओढा कल्व्हरट बांधकामाचे ३२ ते ३८ कोटी चे टेंडर काडून ते अपात्र असलेल्या आणि खोटी कागदपत्रे दिलेल्या ,अनुभव नसलेल्या अशा ३ ठेकेदारांना दिल्याचा आरोप करत या कामाची वर्क ऑर्डर देवू नये अशी मागणी शिंदे यांनी केली आहे. स्थायी समितीने या टेंडर ला मान्यता दिली आहे आणि हे काम वर्क ऑर्डर मिळण्यापूर्वीच ठेकेदाराने सुरु केले आहे असाही आरोप करत शिंदे यांनी याप्रकरणी दोषी असलेल्या सर्व अधिकार्यांना निलंबित करून कारवाई करावी अशी मागणी महापालिका आयुक्त शेखर गायकवाड यांच्या कडे केली आहे.