पुणे- वाहतूक कोंडीने पुणे शहर आणि परिसराला त्रस्त करून सोडलेले असताना या कोंडीस कारणीभूत ठरणाऱ्या बाबींपैकी एक अशी संबोधली जाणारी व्यावसायिक अनधिकृत बांधकामे आणि अतिक्रमणे बांधकाम विभागाने आपल्या रडार खाली आणली आहेत. आज बाणेर बालेवाडी भागातील अशा हॉटेल्स वर महापालिकेचा हाथोडा दणाणला .
महापालिकेने दिलेल्या माहितीनुसार, बाणेर बालेवाडी भागातील रुफ टॉप हॉटेल, साईड मार्जिन व फ्रन्ट मार्जिन हॉटेलवर बांधकाम विकास विभाग झोन क्र. ३ यांचे मार्फत आज दिनांक ०४/११/२०२२ रोजी कारवाई नियोजित करण्यात आलेली होती. सदर कारवाई मध्ये हॉटेल विन्टेज ७ (रुफ टॉप हॉटेल), तसेच हॉटेल बासुरी, हॉटेल सोय। अफेरर्स व हॉटेल रुस्तल नेस्ट (साईड मार्जिन व फ्रंन्ट मार्जिन) या हॉटेलचे अनधिकृत सुमारे ६४००.०० चौ.फूट मापाचे बांधकामावर कारवाई करण्यात आली. या कारवाईसाठी गॅस कटर व जे.सी.बी चा वापर करण्यात आला. या कारवाईकरीता पोलीस स्टाफ, अतिक्रमण स्टाफ, इंजिनिअर उपस्थित होते. ही कारवाई पालिकेचे अधिक्षक अभियंता युवराज देशमुख, कार्यकारी अभियंता श्रीकांत वायदंडे यांच्या मार्गदर्शनाखाली उप अभियंता जे.बी. पवार, कनिष्ठ अभियंता संग्राम पाटील, कनिष्ठ अभियंता संदेश कुळवमोडे, कनिष्ठ अभियंता गंगाप्रसाद दंडीमे यांचे पथकाने कारवाई केली.