पुणे-दुचाकीवरुन जाणाऱ्या तरुणाला अडवून त्याच्याकडे 600 रुपयांची मागणी केली. त्याने पैसे देण्यास नकार दिल्याने त्याच्या दुचाकीचा पाठलाग करुन रामनगर येथील वेताळ बुवा चौकात तरुणावर बंदुकीतून फायरिंग करण्यात . ही घटना 16 डिसेंबर 2022 रोजी घडली होती. याप्रकरणी वारजे माळवाडी पोलीस ठाण्यात चार जणांवर आयपीसी 341, 387, 307, 506, 506(2), आर्म अॅक्ट अंतर्गत गुन्हा (FIR) दाखल करण्यात आला आहे. या गुन्ह्यातील चार आरोपींवर पोलीस आयुक्त रितेश कुमार यांनी मोक्का कायद्यांतर्गत कारवाई केली आहे. पोलीस आयुक्तांनी पदभार स्वीकारल्यापासून 6 गुन्हेगारी टोळ्यांवर मोक्काकारवाई केली आहे.
१ ) टोळी प्रमुख कार्तिक संजय इंगवले, वय २० वर्षे, रा. पिठाची गिरणीजवळ,रामनगर,वारजे, पुणे ( टोळी प्रमुख) २ ) सनी बाळू शिंदे, वय २१ वर्षे, रा. बापुजी बुवा चौक, रामनगर, वारजे, पुणे ३) वैभव दत्तात्रय भाग्यवंत, वय २४ वर्षे, रा. बापुजी बुवा चौक, रामनगर, वारजे, पुणे(टोळी सदस्य)यांच्यावर जबरी चोरी, खंडणी , जीवे मारण्याचा प्रयत्न, गुन्ह्याचा कट रचणे, नागरिकांच्या मालमत्तेचे नुकसान करणे, तोडफोड करणे, विनापरवाना शस्त्र बाळगणे, पोलिसांच्या आदेशाचा भंग करणे, दहशत निर्माण करणे यासारखे गंभीर गुन्हे केले आहेत. त्यांच्यावर प्रतिबंधात्मक कारवाई करण्यात आली होती. मात्र त्यांच्यात सुधारणा झाली नाही. त्यांनी अशा प्रकारचे गुन्हे पुन्हा केले आहेत. वारजे माळवाडी पोलीस ठाण्यात दाखल असलेल्या गुन्ह्यात महाराष्ट्र संघटित गुन्हेगारी नियंत्रण कायद्याचा अंतर्भाव करण्याचा प्रस्ताव वरिष्ठ पोलीस निरीक्षक डी.एस. हाके
यांनी पोलीस उपायुक्त परिमंडळ-3 सुहेल शर्मा यांच्या मार्फत अपर पोलीस आयुक्त पश्चिम प्रादेशिक विभाग राजेंद्र डहाळे यांना सादर केला. कागदपत्रांची पडताळणी करुन आरोपींवर मोक्का कारवाई करण्याचे आदेश दिले.
पुढील तपास सहायक पोलीस आयुक्त रुक्मिणी गलंडे करीत आहेत.
ही कामगिरी पोलीस आयुक्त रितेश कुमार, पोलीस सह आयुक्त संदीप कर्णिक,अपर पोलीस आयुक्त पश्चिम प्रादेशिक विभाग राजेंद्र डहाळे, पोलीस उपायुक्त सहेल शर्मा,सहायक पोलीस आयुक्त रुक्मिणी गलंडे यांच्या मार्गदर्शनाखाली वरिष्ठ पोलीस निरीक्षक डी.एस. हाके,पोलीस निरीक्षक गुन्हे दत्ताराम बागवे ,तपास पथकाचे पोलीस उपनिरीक्षक मनोज बागल,पोलीस अंमलदार सचिन कुदळे, अमोल भिसे, नितीन कातुर्डे, गोविंद कपाटे, महिला पोलीस अंमलदार प्रियांका कोल्हे यांनी केली.