पुणे-वारजे परिसरात संघटित गुन्हेगारी करणार्या सराईत अविनाश गुप्ता याच्यासह टोळीतील १३ जणांविरूद्ध मोक्कानुसार कारवाई करण्यात आली आहे.पोलिस आयुक्त अमिताभ गुप्ता यांनी मोक्कानुसार केलेली ही १०३ वी कारवाई आहे. मागील दहा महिन्यातील ही ४० वी कारवाई आहे. कायदा सुव्यवस्था मजबूत ठेवण्यासाठी पोलिस आयुक्त अमिताभ गुप्ता यांनी मोक्कास्त्र उगारले.मागील दोन वर्षांत तब्बल १०३ टोळ्यातील ७१० सराईतांविरूद्ध कारवाई करण्यात आलीआज पोलिसांनी दिलेल्या माहिती नुसार वारजे येथील अविनाश रामप्रसाद गुप्ता (वय-२०, टोळीप्रमुख रा. शिंदे पुल, शिवणे), सागर भागवत वारकरी ( वय २२,रा. राहुलनगर,शिवणे) अविनाश सुरेश शर्मा (वय १९, रा. रामनगर, वारजे) विकास सिब्बन गौड (वय १८, रा.राहुलनगर, शिवणे) आकाश सिब्बन गौड (वय १९) म्हम्या उर्फ संदिप नथुराम खैरे (वय ४१, रा. रामनगर) , मेहबुब बाबु दफेदार (वय-१९, रा. शिवणे ) याच्यासह इतर अल्पवयीन साथीदारांविरूद्ध कारवाई केली आहे. वारजे परिसरात गुप्ता टोळीने खुनाचा प्रयत्न , खंडणी, शस्त्र बाळगणे, दंगा करणे दहशत निर्माण करणे, मारीमारीचे गुन्हे केले आहेत. त्यांच्याविरूद्ध मोक्काचा प्रस्ताव वरिष्ठ पोलीस निरीक्षक दगडू हाके यांनी पोलीस उपायुक्त पौर्णिमा गायकवाड यांच्यावतीने अपर आयुक्त राजेंद्र डहाळे यांना पाठविला. त्यानुसार पोलिस आयुक्त अमिताभ गुप्ता यांनी टोळीविरूद्ध मोक्कानुसार कारवाई केली आहे. सहायक पोलीस आयुक्त रूक्मिणी गलांडे तपास करीत आहेत. ही कामगिरी पोलीस आयुक्त अमिताभ गुप्ता, सहआयुक्त संदीप कर्णिक अपर आयुक्त राजेंद्र डहाळे उपायुक्त पौर्णिमा गायकवाडएसीपी रुक्मिणी गलांडे , वरिष्ठ पोलीस निरीक्षक दगडु हाके पोलीस निरीक्षक दत्ताराम बागवे उपनिरीक्षक मनोज बागल , सचिन कुदळे, अमोल भिसे, नितीन कातुर्डे, गोविंद कपाटे, प्रियांका कोल्हे यांनी केली.