- पोलीस आयुक्त रितेश कुमार यांची एम. पी. डी. ए. कायद्यान्वये ४२ वी स्थानबध्दतेची कारवाई.
पुणे – पुणे पोलीस आयुक्तालयातील सहकारनगर पोलीस स्टेशनच्या हद्दीत गुन्हे करणारा अट्टल गुन्हेगार सुरज उर्फ डम या राजु गायकवाड, वय २२, रा. स.न. ६५. म्हसोबा मंदीर, तळजाई माता वसाहत, पद्मावती, सहकारनगर, पुणे हा पोलीस रेकॉर्डवरील सराईत गुन्हेगार आहे. त्याने त्याच्या साथीदारासह सहकारनगर, व बंडगार्डन पोलीस स्टेशनच्या हद्दीत लोखंडी पालघन, कोयता, बांबु यासारख्या जीवघेण्या घातक हत्यारांसह खुनाचा प्रयत्न, लोकसेवकास त्याचे कर्तव्य पार पाडण्यापासून धाकाने परावृत्त करण्यासाठी हमला करणे, जबरी चोरी, घातक शस्त्राने दुखापत करणे, दंगा, बेकायदा हत्यार बाळगणे यासारखे गंभीर स्वरुपाचे गुन्हे केले आहेत. मागील ०५ वर्षामध्ये त्याचेविरूध्द ०६ गुन्हे दाखल आहेत. त्याच्या गुन्हेगारी कृत्यामुळे सदर परिसरातील सार्वजनिक सुव्यवस्थेस बाधा निर्माण झालेली होती. तसेच त्याच्यापासून जीविताचे व मालमत्तेचे नुकसान होईल या भितीमुळे नागरिक उघडपणे तक्रार करणेस धजावत नव्हते.
प्राप्त प्रस्ताव व सह कागदपत्रांची पडताळणी करून पोलीस आयुक्त, रितेश कुमार यांनी नमूद इसमाचे विरुध्द एम. पी.डी.ए. कायद्यान्वये नागपूर मध्यवर्ती कारागृह नागपूर येथे ०१ वर्षाकरीता स्थानबध्दतेचे आदेश पारीत केले आहेत. नमूद इसमास स्थानबध्द करण्यामध्ये सहकारनगर पोलीस स्टेशनचे वरिष्ठ पोलीस निरीक्षक, सुरेंद्र माळाळे यांनी प्रस्ताव ठेवला होता.,व प्राप्त प्रस्ताव व सह कागदपत्रांची पडताळणी करून पोलीस आयुक्त, रितेश कुमार यांनी नमूद इसमाचे विरुध्द एम. पी.डी.ए. कायद्यान्वये नागपूर मध्यवर्ती कारागृह नागपूर येथे ०१ वर्षाकरीता स्थानबध्दतेचे आदेश पारीत केले आहेत. नमूद इसमास स्थानबध्द करण्यामध्ये सहकारनगर पोलीस स्टेशनचे वरिष्ठ पोलीस निरीक्षक, सुरेंद्र माळाळे,व वरिष्ठ पोलीस निरीक्षक, पी.सी.बी. गुन्हे शाखा, ए.टी. खोबरे यांनी हि कामगिरी पार पाडली.
पोलीस आयुक्त, रितेश कुमार यांनी दहशत निर्माण करणान्या व सक्रिय अट्टल गुन्हेगारांवर कडक प्रतिबंधक कारवाई करण्याचे धोरण अवलंबिले आहे. पोलीस आयुक्त यांनी कार्यभार स्विकारल्यानंतरची एम.पी. डी.ए. कायद्यान्वये स्थानबध्दतेची ही ४२ वी कारवाई असुन, यापुढेही सराईत व अट्टल गुन्हेगारांचे कृत्यांना आळा घालण्यासाठी प्रभावी प्रतिबंधक कारवाई करण्यात येणार आहे.
