पुणे-देशी बनावटीचे पिस्तूल बाळगणाऱ्या सराईत गुन्हेगाराला दत्तवाडी पोलिसांनी अटक केली आहे. त्याच्याकडून देशी बनावटीचे पिस्तूल आणि दोन काडतुसे असा एकूण 40 हजार रुपयांचा शस्त्रसाठा जप्त केला आहे.गणेश नंदकुमार महामुनी (वय-28 रा. दांडेकर पुल, सिंहगड रोड, सध्या रा. जनता वसाहत) असे अटक केलेल्या आरोपीचे नाव आहे.
दत्तवाडी पोलीस ठाण्यातील तपास पथकाचे अधिकारी व कर्मचारी कसबा पेठ पोटनिवडणुकीच्यापार्श्वभूमीवर हद्दीमध्ये पेट्रोलींग करत होते. त्यावेळी दत्तवाडी पोलीस ठाण्यातील रेकॉर्डवरील गुन्हेगार दांडेकर पुलपरिसरात थांबल्याची माहिती पोलीस अंमलदार कुंदन शिंदे, नवनाथ भोसले, अमित सुर्वे यांना मिळाली. त्यानुसार पथकाने सापळा रचून आरोपीला ताब्यात घेतले. त्याची अंगझडती घेतली असता त्याच्याकडून एक देशी बनावटीचे पिस्टल व दोन जिवंत काडतुसे असा एकूण 40 हजार 500 रुपयांचा शस्त्रसाठा जप्त केला.
अटक करण्यात आलेला आरोपी हा रेकॉर्डवरील सराईत गुन्हेगार असून त्याच्यावर बलात्कार , घरफोडी ,विना परवाना शस्त्र बाळगणे यासारखे गंभीर गुन्हे दाखल आहेत. त्याने देशी पिस्टल घातपात करण्यासाठी किंवा कोणत्या उद्देशाने बाळगले. तसेच हे पिस्टल त्याने कोठून आणले याचा तपास दत्तवाडी पोलीस करीत आहेत.
ही कामगिरी पोलीस आयुक्त रितेश कुमार, पोलीस सह आयुक्त संदीप कर्णिक, अपर पोलीस आयुक्त पश्चिम प्रादेशिक विभाग राजेंद्र डहाळे ,पोलीस उपायुक्त सहेल शर्मा ,सहायक पोलीस आयुक्त राजेंद्र गलांडे,यांच्या मार्गदर्शनाखाली
वरिष्ठ पोलीस निरीक्षक अभय महाजन ,पोलीस निरीक्षक गुन्हे विजय खोमणे,, तपास पथकाचेपोलीस उपनिरीक्षक चंद्रकांत कामठे ,पोलीस अंमलदार कुंदन शिंदे,नवनाथ भोसले, अमित सुर्वे, प्रकाश मरगजे, प्रशांत शिंदे, दयानंद तेलंगे, किशोर वळे, अमोल दबडे, अमित चिव्हे,सद्दाम शेख, प्रमोद भोसले, पुरुषोत्तम गुन्ला, अनिस तांबोळी, ज्ञानेश्वर शिंदे यांच्या पथकाने केली.