बाळासाहेबांची शिवसेना पक्षाचे प्रदेश समन्वयक,प्रवक्ते नरेश जी मस्के आणि निवडणूक प्रमुख माधुरी ताई मिसाळ यांची मध्यवर्ती कार्यालयात बैठक
पुणे-पुण्यातील बाळासाहेबांची शिवसेना पक्षाच्या मध्यवर्ती कार्यालयात आज कसबा विधानसभा पोटनिवडणुकीच्या निवडणूक प्रमुख माधुरी ताई मिसाळ यांची बैठक झाली असून कसबा विधानसभेतील प्रचाराची पुढची रणनीती कशी आखावी या बाबतीत दोहोंमध्ये सविस्तर चर्चा झाली. येणाऱ्या 20 फेब्रुवारी रोजी राज्याचे मुख्यमंत्री एकनाथ शिंदे हे पुणे दौऱ्यावर असून कसबा विधानसभेतील विविध समाज, विविध गणमान्य संस्था, स्थानिक प्रतिनिधी आणि समाज घटकांच्या पदाधिकाऱ्यांबरोबर नियोजन बैठक करण्याचे नियोजन यावेळी करण्यात आले आहे. भारतीय जनता पार्टी आणि बाळासाहेबांची शिवसेना या निवडणुकीमध्ये एकसंघ होवून एकदिलाने काम करीत असून कसब्यातील महायुतीचा आदर्श येणाऱ्या काळात महाराष्ट्रातील प्रत्येक विधानसभेत दिसेल असे सूचक वक्तव्य प्रदेश समन्वयक नरेश म्हस्के यांनी केले. यावेळी बाळासाहेबांची शिवसेना पक्षाचे शहर प्रमुख प्रमोद नाना भानगिरे, सभागृह नेते गणेश बिडकर,युवा सेनेचे राज्य सचिव किरण साळी, शहर उपप्रमुख सुधीर कुरूमकर श्री.विनोद सातव आणि श्री.रमेश परदेशी उपस्थित होते.कसबा विधानसभा क्षेत्रात प्रचाराची वेगाने सुरुवात झाली असून राज्याचे मुख्यमंत्री सातत्यानेकसबा विधानसभेतील प्रचार नियोजनाचा आढावा घेत असून प्रदेश समन्वयक नरेश म्हस्के मुख्यमंत्र्यांच्या आदेशनुसार प्रत्येक विभागाचे सूक्ष्म नियोजन करीत आहे