पुणे-व्हीआयपीएस ग्रुप ऑफ कंपनीज आणि उद्याेजक विनाेद खुटे व त्यांचे नातेवाईक यांच्याद्वारे व्यवस्थापित व नियंत्रित मेसर्स ग्लाेबल एफिलिएट व्यवसायाद्वारे फेमा कायद्याचे उल्लंघन केल्याप्रकरणी (इडी) अंमलबजावणी संचालनायलयाने २५ मे पासून छापेमारी सुरू केली. आतापर्यंत याप्रकरणी पुणे व अहमदनगर येथील कंपनीशी संबंधित ठिकाणांवर छापेमारी करुन राेख रक्कमेसह, बँकेतील विविध खात्यातील एकूण १८ कोटी ५४ लाख रुपये किंमतीची मालमत्ता जप्त करण्यात आल्याची माहिती ईडीने शुक्रवारी दिली आहे.
ईडीने उद्याेजक विनाेद खुटे व इतरांविरुध्द फेमा कायदा १९९९ चे उल्लंघन केल्याप्रकरणी तपास सुरु केला. खुटे सध्या दुबई मध्ये राहून विविध बेकायदेशीर व्यापार, क्रिप्टाे एक्सचेंज, वाॅलेट सेवा व्हीआयपीएस ग्रुप ऑफ कंपन्यांच्या माध्यमातून चालवत आहे. त्यातून मिळालेली रक्कम हवालाद्वारे विविध देशात पळवली जात हाेती.
ईडीच्या चाैकशीत असे निष्पन्न झाले आहे की, मेसर्स ग्लाेबल एफिलिएट बिझनेस द्वारे ई -काॅर्मस शाॅर्पिंग पाेर्टलद्वारे विविध उत्पादनांची विक्री करुन संलग्न विपणन व्यवसायाचे मार्केटिंग केले जात हाेते. त्यासाठी ग्लाेबल एफिलिएट बिझनेस नावाचा अॅप्लिकेशनचा वापर करण्यात येत हाेता. हा व्यवहार बेकायदेशीर व अनाधिकृतरित्या साखळी पद्धतीने चालवला जात हाेता. ज्यात जर एखाद्या व्यक्तीने सदस्य म्हणून कोणत्या याेजनेची निवड केली आणि त्याबाबतचा अर्ज/वेबसाईटवर इतर ग्राहक यांचा संर्दभ दिला तर त्याच्यावर कमिशन संबंधितांना त्यांचे खात्यावर मिळत हाेते.
अशाप्रकारे विविध गुंतवणुकदारांकडू १२५ कोटी रुपयांचा निधी जमा झाला आहे. ईडीचे तपासात ही बाब समाेर आली की, व्याज/कमिशनच्या नावाखाली विविध गुंतवणुकदारांकडून शेल कंपन्या, फर्मच्या नावाखाली बँकिंग चॅनलद्वारे तसेच राेख स्वरुपात १२५ कोटीहून अधिक रक्कम गाेळा केली गेली आहे. त्यामुळे फेमा कायद्याचे उल्लंघन प्रकरणी कंपनीचे बँकेतील १७.२२ कोटी रुपये गाेठवले गेले आहे.
मेसर्स ग्लाेबल एफिलिएट बिझनेस कंपनी ही ब्राेकरेज कंपनी मेसर्स काना कॅपिटलच्या व्यवसायाचे मार्केटिंग करत असल्याचे ही ईडी तपासात आढळून आले आहे. काना कॅपिटल्स व्हीआयपीएस ग्रुप ऑफ कंपनीच्या संचालकांशी सल्लामसलत करुन मेसर्स ग्लाेबल एफिलिएट बिझनेसच्या ग्राहकांसाठी व्हीआयपीएस वाॅलेट, व्हीआयपीएस इन स्टाॅक मधील गंतवणुकीसाठी विविध साप्ताहिक प्रशिक्षण कार्यक्रम आयाेजित करतात.
क्रिप्टाे करन्सी, स्टाॅक्स व इतर ग्राहकांना बेकायदेशीर व अनाधिकृत साखळी पद्धती मार्केटिंग याेजनेत कसे आकर्षिक करावयाचे याची माहिती याद्वारे दिली जाते. धनश्री मल्टी स्टेट को-ऑप क्रेडिट साेसायटी लिमिटेड,पुणे येथे विनाेद खुटे यांनी गुंतवणुकदारांना खाेट्या याेजनेत आकर्षित करण्यासाठी सुरु केलेला एक उपक्रम आहे. याद्वारे दरमहा दाेन टक्के ते चार टक्के व्याज ग्राहकांना दिले जाते. विविध ग्राहकांकडून कोट्यवधी रुपयांची गुंतवणूक राेख स्वरुपात देखील गाेळा करण्यात आली हाेती. सदर रक्कम ही हवाला चॅनेलद्वारे तसेच देशाबाहेर पळवली गेली हाेती.