मंचर : आंबेगाव तालुका मराठी पत्रकार संघाच्या अध्यक्षपदी संतोष वळसे पाटील व उपाध्यक्षपदी नीलेश काण्णव यांची बिनविरोध निवड झाली.
मंचर (ता. आंबेगाव) येथे रविवारी (ता. २८) आंबेगाव तालुका मराठी पत्रकार संघाच्या वतीने वार्षिक सर्वसाधारण सभा घेण्यात आली. यावेळी सल्लागार विलास शेटे व कुमार होनराव यांच्या मार्गदर्शनाखाली बिनविरोध निवडणूक पार पडली. निवडणूक निर्णय अधिकारी म्हणू डी. के. वळसे पाटील यांनी काम पाहिले. मराठी पत्रकार परिषदेचे विश्वस्त एस. एम. देशमुख, अध्यक्ष शरद पाबळे, जिल्हाध्यक्ष सुनील लोणकर यांनी नवनिर्वाचित पदाधिकाऱ्यांचे अभिनंदन केले. यावेळी पत्रकार संघाचे सदस्य अशोक वळसे पाटील, अशोक शेंगाळे, सुनील तोत्रे, संदीप गावडे, विठ्ठल तांबडे उपस्थित होते. नवनिर्वाचित पदार्थांचा सत्कार सामाजिक कार्यकर्ते पप्पू थोरात यांच्या हस्ते करण्यात आला.
संतोष वळसे पाटील म्हणाले, ‘‘पुढील काळात अनेक सामाजिक कार्यक्रम पत्रकार संघाच्या वतीने घेण्यात येतील. आंबेगाव तालुका मराठी पत्रकार सोशल मीडिया संघाची स्थापना करण्यात येणार आहे.’’
अन्य निवड झालेले पदाधिकारी : सचिव- चंद्रकांत घोडेकर, सहसचिव- विवेक शिंदे, खजिनदार अरुण सरोदे, सहखजिनदार- प्रताप हिंगे, पत्रकार परिषद प्रमुख (मंचर) जयेश शहा, पत्रकार परिषद प्रमुख (घोडेगाव)- विकास गाडे, पत्रकार संघ निरीक्षक- सुदाम बिडकर, हिशोब तपासनीस- भरत चिखले, कार्यकारणी सदस्य- अरुण गोरडे, विशाल करंडे, लक्ष्मण ढोबळे, रवींद्र वाळके.