पुणे- येथील विशेष शाखेचे उपायुक्त आर राजा यांनी १४ दिवसांसाठी महाराष्ट्र पोलीस अधिनियम १९५१ चे कलम ३७ (१) (३)अन्वये पुण्यात प्रतिबंधात्मक आदेश दिनांक ३० मी पासून १२ जून अखेरीस पर्यंत लागू केले आहेत .यानुसार ५ पेक्षा अधिक लोकांचा जमाव करण्यास बंदी असेल आणि अर्वाच्य घोषणा , वाद्य्ये वाजविणे ,प्रक्षोभक विधाने असलेली भाषणे करणे तसेच विनापरवानगी सभा आंदोलने करणे यास बंदी घालण्यात आली आहे. काठ्या, दगड अथवा कसल्याही प्रकारची शस्त्रे,दाहक ,ज्वलनशील पदार्थ नेण्यास ,बाळगण्यास बंदी घालण्यात आली आहे.कोणत्याही इसमाचे, चित्राचे , प्रतीकात्मक प्रतिमेचे प्रदर्शन दहन करण्यास देखील बंदी घालण्यात आली आहे. या आदेशाचे उल्लंघन करणारे सन १९५१ चे कलम १३५ प्रमाणे शिक्षेस पात्र राहतील असे पोलीस उपायुक्त आर राजा यांनी म्हटले आहे.