पुणे- एकीकडे दीपक मानकर जर पक्षाचे अधिकृत उमेदवार म्हणून लढले तर लोकसभेत आपण इच्छुक म्हणून देखील नाव मागे घेऊ अशी भाजपमधील ‘हिरो’ पदाधिकाऱ्यांनी भूमिका कालच घेतली तर दुसरीकडे दीपक मानकर यांनी कॉंग्रेसकडून लोकसभा लढवावी असा मोठा आग्रह काल दिसून आला. काल मानकर यांच्या वाढदिवसाच्या निमित्ताने त्यांच्या भेटीसाठी गुप्ते मंगल कार्यालयात रीघ लागली होती.वाढदिवसाच्या शुभेछ्या द्यायला आलेल्या प्रत्येकाच्या मुखी लोकसभेच्या निवडणुकीबाबत आणि मानकर यांच्या उमेदवारीची चर्चा होती.पुणे लोकसभा मतदार संघ कॉंग्रेस आणि राष्ट्रवादीच्या आघाडीत तसेच महाविकास आघाडीत देखील कॉंग्रेसकडे येतो.परंतु येथून कॉंग्रेसचा पराभव देखील तेवढाच निश्चित मानला जातो,कसब्यात रवी धंगेकर निवडून आल्यावर कॉंग्रेसच्या आशा पल्लवित झाल्यात.परंतु धंगेकर यांनी कसबाच्याच गड राखावा,लोकसभेच्या रिंगणात धंगेकर पार्ट २ चालेल काय ? याबाबत अनेकांना शंका आणि रिस्क वाटते आहे.धंगेकर यांना कॉंग्रेसकडून उमेदवारी दिली गेली तर भाजपा कडून संजय काकडे आणि मोहोळ यापैकी कुणाला तरी उमेदवारी मिळेल असे बोलले जाते.आणि धंगेकर यांना विजय कठीण होऊन बसेल असा अनेकांचा अंदाज आहे. पार्ट १ चालला म्हणून पार्ट २ चालेल अशी अपेक्षा नेत्यांनी करू नये असे मत अनेकांचे आहे.धंगेकर वगळले तर कॉंग्रेस कडे लोकसभा लढविण्यासाठी मातब्बर उमेदवार इच्छुकांच्यात नाहीच असेहि काही मान्यवरांचे म्हणणे आहे.आणि मानकर कॉंग्रेस मधूनच राष्ट्रवादीत आलेले आहेत.राष्ट्रवादीत त्यांना मानणारा मोठा वर्ग आहेच,पण त्यांचे अजूनही कॉंग्रेस पक्षातील कार्यकर्त्यां मध्ये ९० टक्केहून अधिक हितचिंतक आणि चाहते आहेत.या सर्वांनी,भाऊ तुम्ही कॉंग्रेस कडून लढा,विजय निश्चित आहे.दादांशी,ताईंशी बोलून हवा तर निर्णय घ्या असा आग्रह मानकर यांना केल्याचे समजले आहे. शिवसेनेत देखील मानकर यांचे चाहते आहेत.आणि भाजपचे एक महत्वाचे पदाधिकारी तर खाजगीत म्हणालेत ,भाऊंना जर अधिकृत उमेदवारी मिळाली तर आम्हाला कठीण होईल,मग इच्छुकांच्या यादीतूनही मला नाव मागे घ्यावे लागेल.
एकंदरीत लोकसभेची पोटनिवडणूक होईल कि नाही ? कि लोकसभा २४ लाच सर्व बरोबरच होईल.अशा शंका असताना मानकर यांच्या उमेदवारीसाठी मात्र मोठी लोकशक्ती एकवटते आहे असे दिसून येते आहे.