पुणे-पुण्याचे माजी उपमहापौर जयसिंगराव जेधे यांचे नुकतेच दीर्घ आजाराने निधन झाले . या पार्श्वभूमीवर राष्ट्रवादी काँग्रेस पक्षाचे अध्यक्ष शरद पवार यांनी जेधे कुटुंबीयांची भेट घेऊन त्यांचे सांत्वन केले . यावेळी जयसिंगराव जेधे यांचे चिरंजीव जयराज जेधे , संताजी जेधे , बाळासाहेब जेधे , जगदीश जेधे , राजश्री जेधे , करण जेधे , शुभम जेधे इत्यादी उपस्थित होते . शरद पवारांचा व जयसिंगराव जेधे यांचा निकटचा संबंध होता . दोघांनी दीर्घकाळ एकत्र काम केले आहे . यावेळी शरद पवारांनी केशवराव जेधे व शंकरराव मोरे यांच्या विषयीच्या आठवणींना उजाळा दिला . यावेळी विठ्ठलशेठ मणियार , अंकुश काकडे व अन्य जेधे कुटुंबीयही उपस्थित होते .